INDABA YOTHANDO INGAYIBUMBA NOMA IYIHLAKAZE IMINDENI
LITTLE ITALY UMQONDISI: Donald Petrie ABADLALI ABAPHAMBILI: Emma Roberts (Nicoletta “Nikki” Angioli), Hayden Christensen (Leo Campoli), Alyssa Milano (Dora), Adam Ferrara (Salvatore “Sal” Angioli), Gary Basaraba (Vincenzo “Vince” Campoli), Linda Kash (Amelia), Andrew Phung (Luigi), Cristina Rosato (Gina), Danny Aiello (Carlo), Andrea Martin (Franca), Jane Seymour (Corrine) UHLOBO: Comedy/ Romance IMINYAKA: 16 D/L/S UMHLAZIYI: Zowakha Mbatha
UKUBA sothandweni yinto enhle nehalelwa ngabaningi kodwa kuba nzima uma imindeni yabathintekayo ingezwani.
Yikho lokhu-ke okwenzeka kule mindeni yakwa-angioli nowakwacampoli enomkhulu umbango webhizinisi njengoba bedayisa ama- pizza kanti izingane uleo nonikki ezikhule ndawonye zizozithola sezilalana sezikhulile.
Le mindeni iqala ibambisene ebhizinisini kodwa ukuqophisana kwezinhloko uvince nosal kugcina kulicekela phansi leli bhizinisi (Pizza Napoli), bagcine sebezimela umuntu ngamunye, bencintisana. Ziningi izigigaba zokuhlangana ngothando njengokushadana kokhulu bale mindeni (Franca nocarlo), nalapho kusuka khona isidumo uma bazisa imindeni yabo ngezinhlelo zabo zokuthembisana umshado, kuphinde kusuke esinamathambo futhi kuvince nosal.
Libhoboka kabuhlungu nethumba lokuthi nalaba abaseyizingane bake balalana. Ngasekugcineni kuyavela ukuthi yingxabano endala le yokhulu babo, bona kanye laba asebethembisene umshado. Ingenile ngolwesihlanu e- cinema, nikela khona uyozitika. zowakha@ilanganews.co.za Ngezansi yi-top 10 engashintshanga kangako ngempelasonto ye-valentine yamafilimu abukwe kakhulu kanti nangasezimalini bekusaqhwakele phezulu I-AQUAMAN (R53 977 069). Lugcine lumi kanje seluphelele uhlu lwayishumi abukwe kakhulu:
1 THE HIDDEN WORLD: HOW TO TRAIN YOUR DRAGON 2 ALITA: BATTLE ANGEL 3 THE UPSIDE 4 MATWETWE 5 AQUAMAN
6 GLASS
7 BOHEMIAN RHAPSODY 8 GREEN BOOK 9 DOMINEE TIENIE
10 3 DAYS TO GO