Akayikhonzile impilo ewubukhazikhazi
ngisho ngingasahlali nabo.
I/ L: Ngabe abazali basekhona?
Motupa: Yebo basekhona, umama ngulinah Motupa ubaba ngujan Kgopa. Ngiyamubonga unkulunkulu ngokungigcinela bona.
I/ L: Nibangaki kwenu?
Motupa: Sibathathu kuphela kwethu ngizalwa nolucas nojanboy.
I/ L: Uyakwazi ukupheka?
Motupa: Ngiyazama noma ngingeke ngizishaye isifuba. Ngisizwe nguluvuyo Memela ebengidlala naye kwipirates obengifundisa ukupheka.
I/ L: Hlobo luni lokudla olukhonzile?
Motupa: Ngikhonze ipapa nenyama yenkukhu.
I/ L: Ngabe usushadelwe?
Motupa: Cha angikashadelwa kodwa akusekude njengoba ngisezinhlelweni zokusondeza isinqandamathe sami eduze kwami.
I/ L: Ngabe ikhona incwadi oyifundayo noma amaphepha ojwayele ukuwafunda?
Motupa: Kayikho incwadi engiyifundayo kodwa amaphephandaba ngiyawathenga kodwa ngifunda kakhulu ezemidlalo.
I/ L: Yiluphi uhlobo lomculo oluthandayo?
Motupa: Ngithanda kakhulu owokholo okuyiwona engiwuzwa ngaphakathi kodwa anginankinga neminye imiculo.
I/ L: Ngabe lukhona
uhlelo lukamabonakude noma emsakazweni olukhonzile?
Motupa: Alukho engingathi ngilukhonzile ngiyaye ngibuke nje ngaleso sikhathi mangithole ithuba.
I/ L: Ugcine nini ukukhala?
Motupa: Ngigcine ngo-2016 kodwa ngeke ngikwazi ukuchaza okwakungikhalisa.
I/ L: Yini oqala ngokuyenza ekuseni mawuvuka?
Motupa:: Njengomuntu okholwayo ngiyaye ngithandaze kuqala bese ngibheka imilayezo kumakhalekhukhwini wami.
I/ L: Yiliphi izwe ofisa ukulivakashela phesheya kwezilwandle?
Motupa: Ngingakujabulela ukuya e-united Arab Emirates, ngiyaye ngibone kuyizwe eli hlukile kunamanye, ngichazwa nayimpilo yakhona.
I/ L: Hlobo luni lukamakhale khukhwini oluphathayo?
Motupa: Yisamsung Galaxy S9.
I/ L: Hlobo luni lwemoto okhule uluthanda?
Motupa: Yirange Rover.
I/ L: Njengamanje utshabaza ngamotoni?
Motupa: Ngihamba ngevw Polo Vivo 1.4.
I/ L: Yisiphi isipho oke wasipha abazali bakho?
Motupa: Ziningi kakhulu izinto esengizenzele abazali bami ngeke ngikhone ngisho ukuzibala.
I/ L: Yimalini osuke wayibhubhudla ngobusuku obubodwa nabantu osondelene nabo?
Motupa: Angisiye umuntu ojwayele ukudla imali budlabha ngiyaqi-kelela konke engikwenzayo.
I/ L: Ngabe usawukhumbula umholo wakho wokuqala?
Motupa: Yebo kwakuwuR1000 ngo-2009 ngisekwibaro ka.
I/ L: Ngabe likhona iqembu likanobhutshuzwayo okhule ulilandela kuleli naphesheya kwezilwandle?
Motupa: Kuleli ngikhule ngilandela i-orlando Pirates kanti phesheya kwezilwandle ngikhule ngilandela imanchester United.
I/ L: Usichitha kanjani isikhathi uma ungekho matasa?
Motupa: Ngijwayele ukuzihlalela nabangani bami siziyele ezitolo noma ngivakashele ingane yami.
I/ L: Ngabe uyakholelwa emuthini?
Motupa: Cha, njengoba ngishilo nje ukuthi ngiwumuntu okholwayo, ngikholelwa emthandazweni.
I/ L: Umbala onjani owukhonzile ?
Motupa: Ngiyaye ngifake noma onjani engisuke Motupa: