Ulahlwe yicala lokukopela uconnie
Kumele asuse izithombe zomkhiqizo okotsheliwe
UTHELEKE ngehlazo umlingisi onohlonze futhi obuye abe ngusomabhizinisi, ojoyine uhide losaziwayo abasohlwini lwabagxekwa ngokukopela eningizimu Afrika.
Inkampani kaconnie Ferguson, owaduma kakhulu emdlalweni kamabonakude igenerations engukarabo Moroka, ikoni Multinational Brands (PTY) Limited, ilahlwe yicala lokukopela enkantolo ephakeme yasegoli.
Le nkampani ibimangalelwe ngeyasegermany, ibeiersdorf eyenza imikhiqizo yobuhle. Phakathi kwemikhiqizo yale nkampani kubalwa i-elastoplast, Eucerin, Labello nenivea. Umkhiqizo inivea yiwona obuyindaba kuleli cala.
Lezi zinkampani, ekaconnie nebeiersdorf, zinomkhiqizo wabesilisa wokugeza ( shower gel for men)
ezincintisana ngawo, okuyiwona osuse umsindo. I-beiersdorf isole inkampani kaconnie ngokwenza ingaphandle lomkhiqizo, iconnie Body Care Men Active Shower Gel, ubukeke njengowenivea. Ikhale ngokuthi lokhu kuzodala ukudideka kubathengi.
Emaphepheni asenkantolo, le nkampani ibale izinto ezithile ekhala ngokuthi zenza umkhiqizo wenkampani kaconnie ufane nowayo noma uyamaniswe nowayo - phakathi kwalezo zinto ibale nemibala e- blue, deep blue no- silver.
Ngesikhathi limemezela isinqumo, ijaji udenise Fisher lithe ukwakheka (komkhiqizo kaconnie) okususelwe emkhiqizweni wenkampani efake isimangalo, ngokuhamba kwesikhathi kudala ukukhohlisa. Lithole ukuthi kube yinto eyenziwe ngenhloso yokuthi le shower gel
kaconnie ibukeke sengathi ngeyenivea. Libe selivimbela inkampani kaconnie ukuba ingancintisani ngendlela engekho emthethweni ngokwenza imikhiqizo yayo ifane neyenivea.
Liphinde lanquma ukuba ummangalelwa (uconnie) asuse konke okubukeka kufana nemikhiqizo yommangali, ezikhangisweni ezisakazwe kuma- website, ezinkundleni zokuxhumana, kanye nakwezinye izindawo ezenganyelwe ngummangalelwa.
Ummangalelwa uyalelwe ukuba akhokhele izindleko zecala.
Kakuqali ngoconnie Ferguson ukusolwa ngokukopela emkhiqizweni owaziwayo, yize abanye osaziwayo bengakaze bangene ezinkantolo ngalokhu.
Phakathi kwabo singabala ucassper necartoon Network ngesikhathi esaqala ukungena emculweni eminyakeni eyisikhombisa eyedlule. Ubenezimpahla ezinombhalo othi awucishe ufane nowecartoon Network.
Unhlanhla Nciza wethusa abaningi ngesikhathi eya kumametro FM Music Awards egqoke umswenko othi kawufane nowakwa-armani.
U-gavin Rajah, ongumsiki wengqephu, waba sematheni ngesikhathi ekhangisa kwimercedes Benz Fashion Week ngengubo efana nse neyomsiki wengqephu, uhan Chong, ayeyenzele ilebuli yakwaself Portrait.