SIBHEKWE NGABOMVU ISINQUMO NGO-CASTER
SIZOPHUMA ngomhla ka-29 kuNdasa (March) isinqumo odabeni lobulili bukacaster Semenya ( osesithombeni) oluqale ukuqulwa ngomsombuluko lwasongwa ngolwesihlanu elausanne, eswitzerland.
Kuzokhumbuleka ukuthi i-international Association of Athletics Federation (IAAF) ikhiphe isinqumo esithi abasubathi besifazane abanomfutho wemvelo omningi kunabanye ngeke besavunyelwa ukugijima nabanye besifazane noma bathathe amaphilisi okwehlisa amandla emvelo abazalwe nawo.
Lo mthetho ohlongozwayo kwawehlanga kahle okuholele ekutheni i-athletics South Africa (ASA) nocaster lolu daba baludlulisele enkantolo enkulu yezemidlalo emhlabeni, icourt of Arbitration for Sport (Cas).
Ukudluliselwa kwalolu daba kwicas kulandela ukungavumelani phakathi KWE-IAAF NE-ASA ngonyaka odlule.
Okwenze lolu daba lwangezwakala kahle wukuthi kuthiwa abasubathi okufanele bathathe amaphilisi ngabenza ibanga lika-400m, 800m ne-1500m okungamabanga enziwa ngucaster.
Lo mthetho uthathwa ngokuthi ubhe-kiswe kucaster.
Ucaster uthole ukwesekwa ngabantu abaningi emhlabeni. Uhulumeni wakuleli ukhiphe isamba sika
R25 million
wokweseka ucaster kulolu daba abheke-ke nalo.
Ucaster usanda kuphumela obala ethi akayekwe agijime ngamandla azalwa nawo.
Omunye wethimba elimele ucaster usolwazi Priya Soma Pillay ongusihlalo wesouth African Society of Obstetricians and Gynaecologists uthe ukuhlongozwa kwalo mthetho kushiya imibuzo eminingi futhi kungenzeka kube nobuhlungu.
Ithimba elimele ucaster kuthiwa uma isinqumo singavumelani nabo kungenzeka lolu daba baludlulisele enkantolo yamalungelo abantu emhlabeni.