Ulubheke ngabomvu olwakusasa ujacinta
Uzophinde azwakale emsakazweni
THI asehlile amaphaphu nokutatazela ujacinta
Ngobese njengoba kusasa ngomsombuluko ezozwakala okokuqala emsakazweni emuva kokuphelelwa umsebenzi wokusakaza eminyakeni emithathu eyedlule ngesikhathi kuphela inkontileka yakhe. Iphimbo lale ntokazi enesipiliyoni seminyaka ebalelwa kwengu-10 kulo mkhakha, lizozwakala kwivuma FM 103 kusasa ohlelweni lwasemini phakathi kuka12:00 kuya ku-3:00 ntambama. Ekhuluma NELANGA Langesonto emuva kokuqinisekisa amahlebezi athi uyojoyina lo msakazo, uthe ujabule, kuthi makandize ngokuthola leli thuba lokubuyela emsakazweni. Engxoxweni leli phephandaba elaba nayo naye ngenyanga edlule, ujacinta wakuveza ukuthi usenesifiso sokubuyela emsakazweni. Leli thuba uthe ubengalindele ukuthi lingavela ngokushesha okungaka. “Izingxoxo ziqale ngomsombuluko kwathi ngolwesibili bangibiza ukuba ngizosayina inkontileka ethi ngiyaqala ngoMsombuluko (kusasa). “Ngijabule kakhulu ngoba ukubamba izintambo ohlelweni olungena ngalesi sikhathi kusho ukukhula kimina njengoba ngesikhathi ngishiya kulesi siteshi ngo-2016 ngangibambisene nozakwethu ohlelweni oluphakathi kuka-9:00 ekuseni kuya ku-12:00 emini,” kusho le ntokazi. Uthe akukho okwehluke kangako akuphethe ngaphandle kokuthi kumele aqonde ukuthi isikhathi anikwe sona abalaleli basuke besekhefini, ngakho kabadingi ukuxinwa ngezindaba ezikhathazayo kodwa badinga okupholile njengomculo, ezokungcebeleka nokusematheni ngaleso sikhathi. “Yilokho engizoqikelela ukuthi abalaleli bayakuthola kulolu hlelo.
“Okunye ukuthi kumele balindele ujacinta okhulile ngokomqondo ngoba kusukela ngigcina ukuzwakala emsakazweni ziningi izingqinamba engidlule kuzona ezingikhulisile,” kusho yena. Ngaphambilini lo msakazi (31) useke wasebenza kwivibe FM, yinanda FM, negagasi FM.
ayandab@ilanganews.co.za SENGIBONILE ukuthi iphupho likabishop Vusi Dube ukuba nendawo edayisa izimoto. Lokhu kuboniswa yizenzo zakhe njengoba isonto lakhe lihlale lisezindaweni lapho kupaka khona izimoto.
Waqala eworkshop wabeka inguzanguza yetende endaweni la okupaka khona izimoto, wasuka lapho waya e-albert Park nakhona wayiyeka yonke ipaki kodwa wayolibeka la kupaka khona izimoto, wasuka waya esouth Beach walifaka la obekudayiswa khona izimoto, lasuka laya kusmith nakhona lalise garaji lezimoto, namanje la ukhona igaraji lezimoto. Sichazele Bishop ukuthi kwenzakalani ngawe nezimoto.