Inc'wala nokweshwama kuyafana
NGOLWESINE elikamafukuzela libikele abafundi balo ngokuhambela kweNkosi umangosuthu Buthelezi emkhosini wenc’wala, owenziwa yisizwe sabangoni ezambia, obumhla zingu-23 kuNhlolanja (February) emtenguleni, echipata.
Ushenge ubeyisimenywa esiqavile kulo mkhosi nalapho ethule khona inkulumo ngaphansi kwesihloko ngolukakhwini esithi, “Preserving Our Cultural Heritage Through Gender Equality”.
Lo mkhosi ubuhanjelwe yiziNgonyama, umpezeni IV, wesizwe sabangoni nomberwa wasemalawi nabantwana basebukhosini baseZimbabwe, Zambia nasetanzania, namakhosi cishe afika kwayishumi ubuningi.
Kule nkulumo Inkosi Buthelezi iveze okuningi abanye bethu abebengenalwazi ngakho ngokuxhumana komlando wamazulu nezizwe zabangoni ezambia.
Phakathi kokunye udalule ukuthi ukuze kuqedwe ubumbano phakathi kwabomdabu emuva kwempi yamangisi nozulu, ababusi bamangisi bawuqeda umkhosi wokweshwama noma ukunyathela obuwenziwa ngisho nangesikhathi sokubusa kwelembe.
Uthe lo Mkhosi uze wavuselelwa yisilo esibusayo manje emuva kwesikhathi esevile eminyakeni engu-100 amazulu anqatshelwa ukuwenza.
“Kodwa eminyakeni engu-10 ngaphambi kokuba lo mkhosi uvuselelwe Kwazulu, wavusele- lwa khona lena esigodini saseMtenguleni yingonyama umpezeni IV. Lo mkhosi wabe uyingxenye yesiko lesizwe sabangoni ngaphambi kokuba bahambe Kwazulu. Abangoni bebelibiza ngokuthi Ukunyatela, ingakazalwa inkosi ushaka.
Emuva kokungena kwenkosi ushaka esihlalweni sobukhosi ngo-1816, uzwangendaba wahamba Kwazulu wathi gozololo eswazini, kamuva wadlulela emozambique nasezimbabwe. Yena nabantu bakhe bawela umfula izambezi ngo-1835,” kusho inkosi ubuthelezi.
“Kuthe lapho uzwangendaba edlula emhlabeni duzane nasechibini itanganyika, indodana yakhe untutu Mpezeni I wahola abantu bakhe walibhekisa eningizimu-ntshonalanga nebemba kwaze kwathi ngo-1865 wabhekisa amabombo empumalanga echipata.
Kuso sonke leso sikhathi kufudukwa, kuliwa, kwakhiwa kuganwana, abangoni bebelokhu bekukhumbula ukuhlabela abaphansi besizwe sabo. Njengoba uzwangendaba ayenza, nompezeni I wayebutha izinsizwa nezintombi. Kuleso naleso sigodi izintombi ezingakagani bezilala emathanganeni lapho bezifundiswa ngokuba ngabesifazane kanti izinsizwa bezilala elawini lapho bezifunda khona ngobudoda.
Namanje izindlu ezingo- rondavel zezinsizwa sisazibiza ngokuthi yilawu noma elawini. yishwa wukubulawa kukansingo indodana yenkosi umpezeni I esigodini elulaka emuva kokuboshwa kwakhe. Waboshelwa esihlahleni somubanga wadutshulwa.
Indodana yakhe, uchiloa, amzala kundlunkulu umkucwa Mbazima, yaba umpezeni II ngo-1901. Kuso sonke isikhathi esiyiminyaka engu-41 ephethe awubanga khona umkhosi wenc’wala. Nakuba umpezeni II ayengumkhatholika wokuqina nokho akazange awalibale amasiko akhe.
Ngesikhathi sokomisa kwezulu kwangeminyaka yawo-1930 walandela iseluleko sezinduna, omtenguleni noluangeni, sokuba enze umhlatshelo emadlozini ngenkunzi emnyama.
Kuthiwa kwabuthana lapho amakhulu ngamakhulu abantu. Ibandla lamaroma lakuvala ukugida ichimbo nendonda, benqunywa ebandleni. Lapho sekukhotheme umpezeni II ngomfumfu (October) 1941, umpezeni III wangena esihlalweni sobukhosi.
Ngesikhathi sokuphatha kwakhe indlunkulu yayilandelwa ngamashwa njengokufa ngokushaywa wumbani, umlilo noma ukubanjwa wugesi.
Uma inkosi umpezeni ixoxa nezinduna nezinganga, bayinxusa ukuba ikhumbule abaphansi futhi isidingo sokuvuselela inc’wala kwakubhungwa ngaso njalo.
Kuthe ngo-1964 lapho izambia ithola inkululeko, kwavunyelwana ukuba inc’wala ivuselelwe uma lokho kuzoba nomnikelo ekwakheni isizwe esisha.
Ngakho-ke mhla ka-24 kunhlolanja (February) 1980 lo mkhosi, owuphawu olubaluleke kangaka, wavuselelwa yingonyama umpezeni III.
Inkosi umpezeni III ibazi ukuthi imigido njengengoma, ichimbo necitilele, ebigidwa ngabesifazane kuphela, ibinikeza abantu umuzwa wokuziqhenya ngamasiko abo.
Yena, njengokhokho bakhe, wayelwela inkululeko. Ungomunye wamakhosi agqamile asezambia ayengamalungu E-ANC, umbutho inkosi Buthelezi eyaba lilungu lawo iseyisitshudeni enyuvesi yasefort Hare futhi eyaxoshwa lapho ngenxa yokuba yisishoshovu sezombusazwe.
Kwaba nesililo esikhulu ngokukhothama kwenkosi umpezeni III ngonhlangulana (January) 1981 kangangoba umkhosi wenc’wala wamiswa kwaze kwaba lapho inkosi umpezeni IV ingena esihlalweni sobukhosi, waqhubeka umkhosi ngo-1982. Asenele lapha isikhala sokuloba konke inkosi Buthelezi ekushilo ngenkathi yethula le nkulumo.
bonginkosi@ilanganews.co.za
Lokhu kwawakhubaza amasiko abangoni okuganwa...