Usatotoswa ngabazali umdlali wosuthu
kukhulunywa ngemidlalo yendebe yomhlaba njengoba ithi isijahe kabi ukusiza amajita ukuba ahambe ibanga elide kulo mqhudelwano.
Lo mdlali uthi uyababonga abazali bakhe ngokumeseka.
Uthi akazange aqale ngokuzijabulisa yena edlala esigabeni esikhokhelayo, uqale ngokubakhela umuzi erustenburg.
Umabiliso uthi intsha ezimisele ngokungena ebholeni kufanele izibambe ziqine futhi izethembe kukho konke ekwenzayo.
Isifiso sakhe esikhulu wukunqoba izicoco nosuthu nakholwa ukuthi akusekude.
Lo mdlali uphinde wexwayisa ontangayakhe ukuba bazihloniphe ukuze bezokwazi ukuhamba ibanga elide kulo mdlalo.
Ingxoxo kamabiliso NELANGA
Langesonto ( I/ L) ngempilo yakhe yangaphandle kwenkundla ihambe kanje.
I/ L: Awuzichaze ukuthi ukhule ungumuntu onjani?
Mabiliso: Ngikhule ngiwumuntu ozithulelayo okhonze ukuzihlalela ndawonye.
I/ L: Ukhulele ekhaya elinjani?
Mabiliso: Ngikhulele ekhaya elikahle elingacebile kodwa futhi elingasokoli. Ngenhlanhla ngikhuliswe ngugogo nabazali abebengicija ngempilo.
I/ L: Ngabe abazali basekhona?
Mabiliso: Yebo, basekhona.
I/ L: Nibangaki kwenu?
Mabiliso: Sibabili kuphela yimi nomfowethu usiyabonga.
I/ L: Uyakwazi ukupheka?
Mabiliso: Lutho angikwazi sidalo ukupheka ngenhlanhla siyaphekelwa ekilabhini okwenza impilo yethu ibe lula.
I/ L: Hlobo luni lokudla oluthandayo? Ngabe ukhona ohlekisana naye?
Mabiliso:
Ngicela ukungaphenduli ngoba ngisengaphansi kwesandla sabazali.
I/ L: Hlobo luni lomculo oluthandayo?
Mabiliso: Ngithanda ukulalela i-house nowokholo.
I/ L: Ukhule ulandela yiphi ikilabhu kuleli naphesheya kwezilwandle?
Mabiliso:
Kuleli ngikhule ngithanda ikaizer Chiefs, pheshe-ya kwe-zilwandle ngikhule ngithanda imanchester City yase-england nebarcelona yasespain.
I/ L: Ukhona umdlali kwi-absa Premiership othi mawubhekene naye ulale uzwile?
Mabiliso: Lutho akekho okwamanje.
I/ L: Ugcine nini ukukhala?
Mabiliso: Angisakhumbuli, empeleni angisiye umuntu ojwayele ukukhala.
I/ L: Uphatha hlobo luni lukamakhalekhukhwini?
Mabiliso:
Ngiphatha i-iphone plus.
I/ L: Hlobo luni lwesiqholo olusebenzisayo? Mabiliso: Ngisebenzisa i-azara.
I/ L: Yini oqala ngokuyenza uma uvuka ekuseni?
Mabiliso: Ngivuka ngithandaze ngibonge ukuphila bese ngilungisa izinto zami zokuyojima.
I/ L: Yiliphi izwe ofisa ukulivakashela phesheya kwezilwandle?
Mabiliso: Ngingathanda ukuvakashela amadolobha asegermany.
I/ L: Hlobo luni lwemoto oha-mba ngayo? Mabiliso: Okwamanje angikabi nayo.
I/ L: Iyiphi oyifisayo?
Mabiliso: Ngithanda ijeep.
I/ L: Yisiphi isipho osuke wasipha abazali bakho?
Mabiliso: Sengibakhele umuzi ngibonga indlela abangikhulise ngayo.
I/ L: Yini ofisa ukuyizuza nosuthu?
Mabiliso : Ngifisa ukunqoba izicoco nekilabhu nengikholwa ukuthi akusekude kwenzeke ngendlela esikhula ngakhona umdlalo nomdlalo.
I/ L: Ungabaluleka uthini abafana abancane njengawe abafisa ukulandela ezinyathelweni zakho?
Mabiliso: Umuntu kufanele azimisele azethembe aphinde alalele imiyalelo yabaqeqeshi.