Owosuthu ugxeke abadlali bedliwa
Ubeselilahlile ithemba u-eric Tinkler
UWUQONDISE kubadlali bakhe umunwe ucavin Johnson ongumqeqeshi wamazulu FC ezakhe ziguqiswa ngomkhaya imaritzburg United ngo-2-1 kowe-absa Premiership ngolwesihlanu ebusuku eharry Gwala Stadium, emgungundlovu.
Amagoli okunqobe ngawo imaritzburg abekwe enethini ngufortune Makaringe nojudas Moseamedi, kwathi elosuthu nalo lashaywa yimaritzburg ubandile Shandu elihlohla ngakubo.
Ujohnson usole abadlali bakhe ezakhe zihlulwa.
“Besazi ukuthi imaritzburg izoza ngamandla njengoba isengcupheni yezembe. Besihlele ukuthi umiguuel Timm singamniki ithuba esiswini ngoba nguyena oyidlalisayo kodwa sangamumaka ngendlela.
"Ngaphandle kwalokho, besithola amabhola siphinde siwabuyisele kuyona imaritzburg. Bekufanele sihlulwe, abadlali bethu abazange bayenze into ebesibayalele yona,” kusho ujohnson.
U-eric Tinkler ololonga imaritzburg, uthi ubeselilahlile ithemba ezitshela ukuthi usuthu seluhambe nawo amaphuzu.
“Ngesiwombe sokuqala bekufanele sishaye inqwaba yamagoli basizwa ngunozinti wabo (usiyabonga Mbatha) obevimba oqekelele. Sishaye nepali kunzima, sicindezele. Ngendlela ebelingavumi ngayo igoli bese ngililahlile ithemba ngithi ngeke silinuke. Ngijabule ngalo mphumela, wenze sabuyelwa yithemba lokuthi sizolivika izembe,” kusho utinkler.
Lo mqeqeshi kubukeka esayibambe kahle kwiteam of Choice kwazise nguyena oyitholele ama- phuzu okuqala agcwele asekhaya kule sizini ihlula ipolokwane City ngo-3-2 ngasekuqaleni kukanhlolanja (February) njengoba esephinde waqoqa aphelele kowosuthu. Ngeledlule iteam of Choice italajwe yicape Town City ngo-3-2 ekuhambeni ecape Town.
Amazulu aguqiswe kulo mdlalo nje, abebuya esibhaxwini esinzi- ma asinikwe yi-orlando Pirates kuba ngu-4-1 ngeledlule egoli.
Yize imaritzburg isabambe ibhuleki emsileni we- log yalesi sigaba kodwa ukuqala ukuqoqa