UYAQHUBEKA NOKUSHUBA UMBANGO WESICOCO SE-EPL
UYAQHUBEKA nokushuba umbango wokudla ubhedu kwiEnglish Premiership.
Iliverpool izozama ukuqoqa amaphuzu amathathu komkhaya basemerseyside, i-everton namuhla ngesonto ngo-18h15. Iliverpool iwadinga ephelele amaphuzu ukuzigcina isembangweni nemanchester City eshintshana nayo ngokuqhwakela kwilog.
Umohamed Salah oyisilomo seliverpool, uthi ukubhekana neEverton enkundleni yayo, kuyefana nokuvakashela imanchester United, e-old Trafford.
Uthi ukuthola igoli kwi-everton nakwired Devils ekuhambeni, kuyinto engaphumi kalula kunoma yimuphi umdlali weliverpool. Icity yona ibibhekene nebournemouth kowe-premiership izolo ngomgqibelo ntambama.
Ichelsea izovakashela ifulham namuhla ngesonto ngo-16h04. Nayo ichelsea inejoka lokunqoba kulo mdlalo ukuzigcina isendaweni ezokwenza ibambe iqhaza kwi-uefa Champions League ngesizini ezayo.
Abukeka emfiliba amathuba okuthi ichelsea ikwazi ukunqoba i-premiership kule sizini njengoba isele kakhulu ngamaphuzu emakilabhini aphezulu.
Isiyonke imidlalo ye-english Premiership namuhla ngesonto ihlelwe kanje:
Watford vs Leicester City 14h00 (SS3)
Fulham vs Chelsea 16h05 (SS3). Everton vs Liverpool 18h15 (SS3).
Eyespanish La Liga ihlelwe kanje"
NAMUHLA NGESONTO
Eibar vs Celta de Vigo 13h00 (SS7).
Real Betis vs Getafe 17h15 (SS7). Real Sociedad vs Atletico Madrid 19h30 (SS7).
Valencia vs Athletic Bilbao 21h45 (SS7).
KUSASA NGOMSOMBULUKO Leganes vs Levante 22h00 (SS7).
Eyeserie A yase-italy ihlelwe kanje NAMUHLA NGESONTO Torino vs Chievo 13h30 (SS9). Udinese vs Bologna 16h00. Genoa vs Frosinone 16h00 (SS9). SPAL vs Sampdoria 16h00 (SS11).
Atalanta vs Fiorentina 19h00 (SS9).
Napoli vs Juventus 21h30 (SS9).