Uzulelwa ngamanqe obeyisikhulu sokhozi FM
WINA ingxenye ka-r5000 namuhla
UZULELWA ngamanqe obeyisikhulu okhozini FM, njengoba uphenyo seluveze ubufakazi bokuthi impela k u nokungaziphathi kahle emsebenzini akwenzile.
ILANGA Langesonto lithole emithonjeni yalo ukuthi lesi sikhulu esingeke sisidalule igama laso ngenxa yemibandela yezomthetho, esasula isigubhukane emsebenzini ngesikhathi ISABC yenza uphenyo, singahle siboshwe ngenxa yobufakazi obuvelile.
Ethintwa yileli phephandaba izolo okhulumela ISABC, uneo Momodu, ukuqinisekisile ukuthi impela butholakele ubufakazi bezinto ezingalungile ezenziwe yilesi sikhulu, esasula emsebenzini ngaphambi kokuphothulwa kophenyo.
Uneo uqhubeke wathi ngenxa yobucayi bezinto ezitholakele kanye nemigomo yepublic Finance Management Act (PFMA), ISABC esebenza ngaphansi kwayo, konke okutholakele ophenyweni kuyac utshungulwa ngokucophelela.
Uphinde waveza nokuthi zisaqhubeka izingoxo zangaphakathi, okuyothi ngemuva kwazo bese kuthathwa izinyathelo ezifanele. Kuzokhumbuleka ukuthi lesi sikhulu ngesikhathi sibuzwa ngokwesula kwaso emsebenzini, sathi sithathe leso sinqumo ngenxa yokuthi bekungasa sebenzeki kahle, futhi umndeni waso ungasaphephile. Sasabisa ngokuthi siyohlanza wonke amaqiniso esiwaziyo ngale nhlangano. Phambilini omunye wemitho-mbo yaleli phephandaba wawuvele ushilo ukuthi ISABC ngeke lushiye lulenga - ngeke ikugqize qakala ukuthi lesi sikhulu sesesulile emsebenzini. Uma kunobufakazi obutholakalayo bokungaziphathi kahle, inhlangano iyothatha izinyathelo. Nakuba ISABC ingaphumelanga obala ngezinto ebiziphenya okhozini, kodwa kuthiwa enye yazo wukuqhutshwa komkhankaso inyus’ivolume.