Umatlaba ukhathele abaqeqeshi bebucs
Umatlaba ufuna ukuhamba kwipirates
USENELE yisihluku asizwiswa ngabaqeqeshi be-orlando Pirates umdlali wale kilabhu osephenduke ifenisha kuyona. ILANGA Langesonto lihoshe ngemithombo yalo ukuthi uthabo
Matlaba odlala emuva kwibucs, usenele wukukhuhla ibhentshi, ufuna ukuhamba ngoba uyabona ukuthi akekho ezinhlelweni zethimba labaqeqeshi.
Umatlaba ubeyisethenjwa sabalandeli eshaya namagoli amqoka.
Nokho selokhu kufike umilutin “Micho” Sredojevic ololonga ibucs, isikimu usizwa ngendaba.
Leli phephandaba lithole ukuthi lo mdlali usenele wukulahlwa ezihlweleni. Kuthiwa uma kuphela isizini uzocela ukukhululwa.
“Umatlaba uyazibonela naye manje ukuthi akasekho
ezinhle- lweni zabaqeqeshi, ngisho angenzani akanakwa.
"Usenqumile, uma kuphela isizini uzofaka isicelo sokuba akhululwe aye lapho ezonikwa khona ithuba lokudlala. "Bekufanele ahambe njengoba bekuvulwe iwindi lokudayiselana ngabadlali kodwa usihlalo wepirates u-irvin Khoza wanqaba ngoba umfanisa nedlozi lale kilabhu. Sesizolinda ukuphela kwesizini kubonakale ukuthi kwenzakalani ngaye,” kusho umthombo.
Imizamo yokuthola umatlaba kayiphumelelanga kwazise abadlali bale kilabhu abavunyelwe ukuzikhulumela mathupha nabezindaba kanti neyokuthola ukhoza ukuba aphawule ngalolu daba iphunzile njengoba ucingo lwakhe belukhala kodwa lungabanjwa.
Umatlaba uyazibonela naye manje ukuthi akasekho ezinhlelweni zabaqeqeshi ngisho angenzani akanakwa... Usenqumile, uma kuphela isizini uzofaka isicelo sokuba akhululwe...