LUYAQHUBEKA UPHENYO NGOMSHAYELI WAMABHANOYI
INHLANGANO yezamabhanoyi, isouth African Civil Aviation Authority (SACAA), ithi iqhuba olwayo uphenyo ngenhloso yokuthola ukuthi umshayeli wamabhanoyi ukwaze kanjani ukuba asebenze kuze kuphele iminyaka engu-20 ebe enelayisense ewumbombayi.
Iphephandaba imail & Guardian ngolwesihlanu libike ukuthi isouth African Airways (SAA), ithole ukuthi ilayisense kawilliam Chandler okuyi-airline Transport Pilot Licence (ATPL) iwumbombayi. Lokhu kulandela isehlakalo esabe sithinta indiza engunombolo SA206, eyayisuka E-OR Tambo International Airport iya efrankfurt, egermany, ngolwezi (November) 2018.
Le ndiza yaba nezinkinga ngesikhathi isemoyeni. Kuthiwa ngokwemigomo yezokuphepha yeSAA, izisebenzi zayo ezisuke zisebenza endizeni esuke inenkinga, kufanele bamise ukundiza, ukuze kuphenywe kabanzi.
“Kunophenyo olwenziwa ngokwehlukana YI-SAA, SACAA, nabasegermany, oluthinta isigameko sale ndiza engunombolo SA206,” kusho okhulumela ISAA, umnu Tlali Tlali kwisitatimende.
Indaba kachandler itholakale ngesikhathi ISAA yenza uphenyo ukuthi akanayo ilayisense ebizwa ngeAirline Transport Pilot Licence, kodwa une- commer
cial pilot licence. Ube esecelwa ukuba esule esikhundleni kulo nyaka emuva kophenyo.
Uphindiwe Gwebu, oyi-executive of Corporate Services KWASACAA, uthe bazokwenza olwabo uphenyo ukuze bathole ukuthi wephuleke kanjani umthetho, futhi bafuna nokuthola ukuthi kungani kungabona kalanga ESAA ukuthi uchandler usebenzisa ilayisense ewumbombayi isikhathi eside. kangaka.