ZIFUNDISE UKUZOTHA BAB’ USIMELANE
UMZALA ungumuntu osheshayo ukucikeka futhi akabathandisisi abantu abangenaso isizotha! Into eyenziwe ngubaba kababes yakhe isithombe sokuthi ungubaba ongenaso nhlobo isizotha. Ngiyakuqonda ukuthi okwenzeke endodakazini yakho kukuphathe kabi kakhulu futhi kukucasulile, kodwa besingekho neze isidingo sokuthi bese uzenza usaziwayo, usuhambe uphawula kuyo yonke imithombo yabezindaba le.
Baba, ngokukhulu ukuzithoba, ngicela ungaphinde wenze into oyenzile ngoba ikwehlisa isithunzi. Ungalokothi ufise udumo, luzokuxaka, lushiyele kithina abomzala. Okokuqala nje awuqeqeshekile ngokuthi how to handle fame. Ngicela ukhumbule ukuthi umuntu ongusaziwayo ngubabes, hhayi wena, ngakho yehlisa umoya. Kodwa-ke ngithi angisho ukuthi ungibulele ngensini ngezinye izinto obuzi-sho... Ushaye i- classic ngendaba kanodoli. Lolest... Finally, waze wawuthola umsebenzi Ntsiki Mazwai, siyabonga. Sesizoke siphumule yilo msindo ohlale usibangela wona. Ngithandazela ukuba bangakuxoshi nje kulowo msebenzi ngoba uvele uzikhulumele umsangano es’khaleni. Listen girl, kufanele uzame ukuvala imbobo yophuthu ukuze ungazitholi usuxoshwa ngokushesha.
Uyazi indlela onomsindo ngayo ingenza ngicabange ukuthi une- depression, awunakho nje ukuthula emoyeni wakho. Kodwa-ke futhi ngathi ubuye uhlushwe nawumona - ungasho nje ukuthi ufunani kudj Zinhle njengoba usumbiza ngobarbie... uxakwe yini nje uma engunodoli uzinhle. Basop, uzokunenebula uzinhle akadlali nezingane. Yintombi yasedanhauser leya, uzolimala. THIXO wasegeorge Koch, babazani! Kodwa nimbonile yini umkhul’ bae..., ngisho ur Kelly phela nedrama? Yho hhay cha, uyayenza le nto.
Ngibona sengathi simfanele isicoco sokuba yidrama King of The Year. Yey’, engasakhali kanje, ezibhonqa, ezinyukunya ethi nje bamqambela amanga laba abathi ungumhlukumezi.
Anginandaba-ke noma bayamqambela noma baqinisile, inkinga yami nje yile drama yakhe. Ngivele ngazibonela umkhulu ophaphile mina, ofuna ukubukwa nokudatshukelwa.
Stru, ngeke angitshele ukuthi ubenzani. Ngifisa ukwazi ukuthi kahle hle yini le ebimshisa eze ekhala kangaka.