UDKT NKOSI UNGUMCWANINGI OQAVILE
MHLELI, ngithi angithathe leli thuba ngincome ingqwayingqwayi, umbhali ongumcwaningi, udkt Zinhle Nkosi ( osesithombeni) olimini lwesizulu osenyuvesi yakwazulu-natal ekhempasini yase-edgewood.
Emisebenzini yakhe eminingi yocwaningo, kukhona ulwazi oluphakeme olutholakala kuyo. Lapha kunocwaningo alwenza emqingweni weziqu zakhe zephd ngaphansi kwesihloko esithi: ‘ An Exploration Into The Pedagogy of Teaching Reading in Selected Foundation Phase Isizulu Home Language Classes in Umlazi Schools’ - ulwazi olukulo mqingo luyamangalisa.
Maningi namanye amaphepha kumbe ama-athikhili aseshicilelwe awabhalile, amanye awo agxile ekufundisweni kwekhono lokubhaliwe emfundweni eyisisekelo kanye namanye. Ngithanda ukuncoma indlela aloba ngayo ulimi lwesizulu uma ebhala amaphepha akhe.
Lapha ngibala ukuhlobana kwemisho yakhe okwenza umfundi akulandele konke akubhalile nendlela yokucikoza kwakhe uma ebhala. Amaningi ama-athikhili akhe abhalwe ngobuhlakani nangobunyoninco, cishe wonke esengake ngawafunda izihloko zawo ezithi: ‘ Isizulu as a vehicle towards teaching and conducting research in higher education: challenges and prospects’; ‘ Postgraduate students’ experiences and attitudes towards isizulu as a medium of instruction at the University of Kwazulu-natal’; nalena ethi: ‘Ubudlelwano obuphakathi kokufundisa ukufunda okubhaliwe nezinkolelo zothisha olimini lwasekhaya lwesizulu emabangeni aphansi’, namanye.
Muhle umsebenzi kadokotela. Ngibonga ulwazi analo naluvezile emaphepheni akhe aseshicilelwe. Ngale kwalokhu, ngithanda isineke nothando analo njengomfundisi, umzali kanye nokuba ngumeluleki onesineke. Ngikufisela unwele olude dokotela, ulumele njalo ulimi lwesiZulu.
Philani "MGANYAMBANE" Biyela EMPANGENI (ENTAMBANANA)