ZOWAKHA MBATHA
esikhawini, ej1, nodadewabo omdala, unondumiso. Nakuba impilo ibe nzima kulo mlingisi kodwa uthi kusukela esesemazingeni aphansi emfundo, ubazi ukuthi ufuna ukuphelela emkhakheni wezikaqedisizungu.
Njengoba yena wayezimisele ukungena kwezikaqedisizungu, uthi kodwa ekhaya kubo babezibonela unjiniyela nokuyikho okuholele ekubeni umatikuletsheni awenze etisand Technical High School ngaphambi kokwedlulela emangosuthu University of Technology (MUT) eyokwenza izifundo zemechanical Engineering agcine engaziqedanga. Elanda ngokungena kwezokulingisa uthi: “Umama wangiphathela isikhangiso asasiphume ephepheni ILANGA mayelana nesitebela sikambongeni Ngema ebesisestable Theatre ethekwini, ngayobhalisa ukuqeqeshelwa iperforming Arts. “Ngenhlanhla zonke izinto zivele zasheshe zenzeka sengikulesi sikhungo, ngangena emidlalweni ebe mikhulu njengebhambatha Kamancinza ngo-2006, sihambela ezweni lonke, silala emahhotela aphezulu.
“Usomizi Mhlongo, obeyi- choreographer, nguyena ongisize ngemisebenzi eminingi njengoba bengimuhle nasekudanseni. Ngo-2008 ngibizwe nguleleti (Khumalo) wangifaka kwisarafina saze sayohlala naseNigeria, kwavele kwacaca ukuthi ngempela izinto ziyenzeka manje.” Uthi angasoze akulibale ngesikhathi besenigeria yisicefe sokudla kwakhona abebengakuqondi kanye nesibhaxu abake basithola ngemuva kokuba kusuke izidubedube eningizimu Afrika kuhlaselwa abakuleliya lizwe. Uthi kukho konke okwenzekile, nazisolayo ngakho, akasoze amlibala ubrian Mazibuko owaziwa ngokuphatha imidlalo eminingi, owamtakula izikhawu ngomsebenzi. Nguye oke wambizela emdlalweni ishosholoza ebikhonjiswa emgungundlovu, bahambela estate Theatre epitoli, negrahamstown Arts Festival kukubi.
Ngaphandle kokubhekana nezikhathi ezinzima empilweni zokweswela umsebenzi, lo mlingisi uphinde wabhekana nesimo sokudlula emhlabeni kukayise lapho sebeqala ukubuyisana. Ushintsha nasebusweni uma ekhuluma ngalesi sikhathi sempilo yakhe njengoba ewumuntu wamancoko.
“Bekungathi ngithakathiwe, ngingenamsebenzi. Lokhu kwenze ngazingabaza nangesinqumo engangisithathile sokungena kulo mkhakha. Ngize ngaphindela erichards Bay ngayozama inhlanhla kwi1KZN TV sekucaca ukuthi i- theatre ingibulala ngendlala. Nakhona kayichazeki indlela okuvele kwaba lula ngayo ukungena khona emuva kokuhlangana noQuinton Jones, lo oseshade nominnie (Dlamini).
“Babenama- audition abenza bacabanga ukuthi nami ngisohlwini lwabantu abebeye kuwona nokuthe uma ngifika sekwedlule isikhathi, ngazibona sengithola ithuba lokwethula uhlelo lwezemidlalo kalula kanjalo nje,” esho eswabuluka futhi.
Uthi wayengazi lutho ngalo msebenzi nangezemidlalo kodwa waqinisa ikhanda. Khona lapho uthole ithuba lokuyocula neqembu lasegoli isoweto Entsha, waze wathola nethuba lokuhamba naleli qembu baya efrance nase-amsterdam, kwaba wukushiya kwakhe kwi-1kzn TV.
Ngemuva kwalokho siphinde samhlasela isomiso kwaze kwalamula lowo Brian futhi ombizele emdlalweni ilong Way To Go, okwamnika ithuba lokuhola nemali ayengakaze ayihole empilweni yakhe. Esezama ukubuyela kwitv, uqale elingisa izindawo ezingathi shu ( extras) emuva kokujoyina i- agency ebimqeqesha kulo msebenzi nokuyikho okumvulele amathuba.
Abaningi bazomkhumbula ebonakala emidlalweni efana nerhythm City, Zabalaza, Generations kwaze kwaba ubizwa ngumqondisi wezabalaza emtshela ukuthi kukhulu okumfanele, hhayi le misebenzi engathi shu.
Ube eseqala ethola izingxenye ezincane kodwa ezigqamayo emidlalweni efana nesibaya, Task Force KUSABC 1, yilo uzalo lapho eqale ewumphathi womcimbi wamakhwaya esontweni ngaphambi kokubuyiswa esengujackson.
Ubrian waphinde wambiza futhi emdlalweni ihave You Been Heard obuqondiswe yinkakha yomlingisi, ubheki Mkhwane. Lo mdlalo ubunenqwaba yabalingisi abadumile nokumenze wabuyelwa yithemba. Kuqalile kwantwela ezansi futhi esebizwa nasemdlalweni irockville kwi- season 4. Uthi kuwo wonke lamagingxigingxi empilo ufunde ukubaluleka kokuzithoba nokuba nozinzo njengoba esesethekwini ngokugcwele.