Kunzima ukuqala kabusha empilweni kade unakho konke AMAFILIMU ABEHAMBA PHAMBILI KULELI SONTO
mndeni kuphenduka amatafula ngokukhulu ukushesha uma ingasangeni imali, nomnumzane womuzi, ukenneth ezibulala, kube wukushabalala kwakho konke abanakho.
Okuvelayo uma esezibulele wukuthi ubengene shi ezikweletini, enamabhizinisi obumnyama. Uzama uyaphoqeleka ukuba ayokhosela emphemeni wabesifazane abangenabani, kanti umphathi wawo, u-albert olingiswa ngupakamisa, yinkunzi yesigelekeqe, edayisa ngabo abantu besifazane futhi uyakuthokozela ukufika kwalo nkosikazi wesigwili.
Kwenzeka konke lokhu nje, kusele izinsukwana abelethe, nokugcina kwenzeka khona kuleli khaya.
Yikuwo lo mpheme okufanele alwe ngakho konke anakho ukuze aziphephise, elekelelwa yisisebenzi sesilisa esimkhonzile nebesilokhu simnxusa ukuba ashaye utshani kungaze konakale kakhulu izinto, adayiswe.
Nakuba ibuye idavuze ndawonye, kodwa ngiyibona izoba ngenye yamafilimu akhiqizwe kuleli azothokozelwa neshuthwe kahle. Ingene ngolwesihlanu e- cinema. IMPELASONTO edlule yokuqala kwenyanga, ishiye IWHAT MEN WANT isihleli esiqongweni kumafilimu abephambili ngokubukwa, kodwa IBOHEMIAN RHAPSODY yiyona ebisephambili ngokufaka imali (R41 876 414). Imi kanjena i- top 10:
1- WHAT MEN WANT
2- THE HIDDEN WORLD: HOW TO TRAIN YOUR DRAGON 3- TYLER PERRY’S A MADEA FAMILY FUNERAL
4- LEGO MOVIE 2
5- ALITA: BATTLE ANGEL 6- THE UPSIDE
7- LITTLE ITALY
8- GREEN BOOK
9- BOHEMIAN RHAPSODY 10- PRINCESS AND THE DRAGON
zowakha@ilanganews.co.za