Unhlapo uzikhonzele ukushayela
UNCOMA amagalelo ezikhungo zokuthuthukiswa kwebhola eningizimu Afrika usiyabonga Nhlapo ongumdlali wesupersport United engenye yamakila-bhu anomlando omude ebholeni lakuleli.
Unhlapo osenesikhathi eside elihlikihla kwi-absa Premiership, uzalelwe emeadolands, esoweto.
Lo mdlali uqale ukudlala ibhola eneminyaka engu
10 yobudala.
Ufunde amabanga aphansi ethe- mbalethu Primary School ngaphambi kokudlulela erosina Sports Academy epitoli. Ukwenza kahle kwakhe kulesi sikhungo esesikhiqize abadlali abagijima kwipremier Soccer League, kumdonsele iso labaqeqeshi bejomo Cosmos wasayina kuyona.
Udlale kuyona ngesizini ka-20102011. Usuke lapho walibangisa kwibidvest Wits egcine ngokumbolekisa kwihighlands Park ngaphambi kokuba imdayisele isupersport.
Unhlapo uthi ziyasiza izikhungo zokuthuthukisa ibhola ngoba kufundwa izinto eziningi ezisiza umdlali ukuba akwazi ukumelana nazo zonke izinselelelo zokugijima esigabeni esikhulu.
Uthi kulesi sikhungo akhulele kusona bekungangenwa nje kugulukudelwa bekubhekwa kuqala imiphumela yesikole ngaphambi kokuba uzitholele indawo kusona.
Lo mdlali oneziqu zemfundo ephakeme kwezemidlalo azithole evaal University, uthi imfundo iyona ebalulekile ngaphambi kwebhola kwazise ibhola kuba yinto yesikhashana.
Ingxoxo kanhlapo nela- NGA Langesonto ( I/ L) ngempilo yakhe yangaphandle kweNkundla ihambe kanje:
I/ L: Ngabe ukhule ungumuntu onjani?
Nhlapo: Ngikhule ngiyingane ekahle kwazise abazali bami awekho amacala abake bawaqula ngami.
I/ L: Ukhulele ekhaya elinjani ?
Nhlapo: Mina nodadewethu sikhuliswe ngumakhulu wethu ngenxa yokuthi indawo yokuhlala ibengeke ikwazi ukusanela sonke okuthe ngokuhamba kwesikhathi abazali bethu basakhela umuzi edobsonville, esoweto nokuyilapho esikhuliswe khona ngenhloni- pho safundiswa nokukwazi ukusebenzisana nabanye abantu.
I/ L: Ngabe abazali basaphila?
Nhlapo: Ngeshwa ubaba udlule emhlabeni ngisaqala ukudlala esigabeni esikhulu kodwa ngisabusisiwe ngomama unelisiwe Nhlapho.
I/ L: Nibangaki kwenu?
Nhlapo: Sibane, kukhona unonkululeko olandelwa yimina kube ubuhle kugcine uyolanda.
I/ L: Ngabe usushadelwe?
Nhlapo: Cha, kodwa akusekude ngisondeze isinqandamathe sami u-ayanda Nkosi ukuba sizovusa umuzi wakithi.
I/ L: Abantwana bona unabo?
Nhlapo: Nginoyedwa usimesi- hle.
I/ L: Uyakwazi ukupheka?
Nhlapo: Ngiyazama kodwa ngeke ngizishaye isifuba ukuthi ngiyakwazi.
I/ L: Utshabaza ngamotoni?
Nhlapo: Ngihamba ngebmw 1 series.
I/ L: Iliphi izwe ofisa ukulivakashela phesheya kwezilwandle?
Nhlapo: Ngithanda izwe laseAustralia linezinto eziningi ezicishe zifane nezakuleli.
I/ L: Usebenzisa siphi isiqholo?
Nhlapo: Ngisebenzisa i-aroman.
I/ L: Usichitha kanjani isikhathi uma ungekho matasa?
Nhlapo: Ngiwumuntu okhonze ukushayela. Ngivamise ukuthatha imoto ngizibukele izindawo ezinhle zakuleli lizwe ngikhonze kakhulu ukuyozibukela izilwane ikakhulukazi amabhubesi.
I/ L: Yisiphi isipho oke wasipha abazali bakho?
Nhlapo: Ngibathengele imoto ngenhloso yokuthi bakwazi ukufinyelela lapho befisa ukuya khona.
I/ L: Hlobo luni lukamakhalekhukhwini olusebenzisayo?
Nhlapo: Ngiphatha Iphone 8 Plus.
I/ L: Yini ofisa ukuyizuza nekilabhu yakho?
Nhlapo: Ngifisa siqede endaweni yesine kwazise ngesizini edlule asenzanga kahle.