Ikilabhu YEPSL izingela isitobha sechiefs
Ezimnandi kubuya abalimele enaturena
IKILABHU egijima kwiAbsa Premiership yeshela isitobha sekaizer Chiefs ngenhloso yokuqinisa udonga lwayo lwasemuva.
U-eric “Tower” Mathoho odlala emuva sekunesikhathi agcina ukubonakala ensimini ngenxa yokulimala.
Ulimala nje ubevele isikimu esesizwa ngendaba kule kilabhu yakwamotaung.
Leli phephandaba lihletshelwe ngumthombo walo osondelene nomathoho ukuthi weshelwa yihighlands Park engomakoti be-absa Premiership.
Kuthiwa le kilabhu isezinhlelweni zokuqinisa isi- kwati sayo sesizini ezayo.
Leli phephandaba lishayela u-owen da Gama ongumqeqeshi wehighlands uthe okwamanje ngeke akwazi ukudalula abadlali ababafunayo.
“Inkinga enkulu ebholeni lakuleli uvele umemezele ukuthi ufuna bani bese elandelwa yiwona wonke umuntu.
"Ngincamela ukukhuluma ngomdlali uma sesiqede konke naye.
"Engingakuqinisekisa wukuthi zikhona izindawo esifuna ukuziqinisa.
"Eyokuqala nje yisepalini, kube yisemuva bese kuba yiphambili.
"Ngethemba ukuthi sizobathola abadlali kulezi zindawo ngoba bakhona esesiqalile ukuxoxa nabo yikhona nje ukuthi ngeke ngikwazi ukubadalula okwamanje,” kusho uda Gama.
Imizamo yokuthola ubobby Motaung imenenja-jikelele yechiefs ukuba aphawule ngalolu daba iphunzile njengoba ucingo lwakhe belukhala kodwa lungabanjwa.
Ichiefs imemezele ukuthi sebeqalile ukujima ngabodwa umathoho nolebohang Manyama abebeyohlinzwa.
Umanyama obekuthiwa ngeke esadlala kule sizini, kungenzeka akhuze ibuya ngokushesha. Ichiefs ithi laba badlali kungenzeka baqale ukujima ngokugcwele emasontweni amabili kuya kwamathathu.
Izimpofana ziphinde zamemezela ukuthi basebenza kanzima u-itumeleng ongunozinti, olimele ihlombe, nohappy Mashiane olimele uzwane.