NGABE WUSUKU LWAKHO
KUKHONA abazama ngokusemandleni ukucekela ubuhlakani bakho nezinye izinhlelo onazo. Ngaso sonke isikhathi imicabango yakho kumele igxile eqinisweni.
ARIES (March 21-April 19) UBUYE uthande ukuqala ubudlelwano obusha obucashile. Lesi yisikhathi sokuhlela kahle umqondo wakho, ubheke ukuthi izinqumo ozenzayo ziqotho yini. Kukhona amanye amaphutha owenze esikhathini esedlule ozisolayo ngawo. TAURUS (April 20-May 20) KUMELE ukuqonde ukuthi impilo ihlale inezinselelo eziningi ezahlukene. Sebenzisa ngemfanelo isikhathi onaso ukuze uzokwazi ukubuyisa ukwethenjwa kwakho ngabathile. Kunokuningi kakhulu okufukamele engqondweni yakho. GEMINI (May 21-June 21) USESIKHATHINI sokubuka impilo ngendlela elahlisa ithemba uma ubheka okwenzeke kuwena. Kunamathuba oncishekayo ukuba uwasebenzise ngenxa yokumpintshwa yizimo ezithile. Kumele wazi ukuthi akekho ongalungisa impilo yakho ngaphandle kwakho. CANCER (June 21-July 22) NGESINYE isikhathi uvumela ukulawulwa yingqondo ngaphezu kwemizwa. Qaphela konke okusemqondweni wakho ukuthi kunesidingo esingakanani. Qikelela ukuthi impilo yakho iqhubekela phambili kakhulu. LEO (July 23-August 22) BHEKA lapho oqine khona kakhulu kunokuzibheka lapho obuthaka khona. Uma uzabalazela ukulungisa impilo yakho kumele uqonde ukuthi alihlatshwa ikhefu kungakalungi. VIRGO (Aug 23-Sept 22) ISITHUNZI sakho singabuyiswa yindlela okwazi ukusebenzisa ngayo ulwazi onalo. Umbono onawo ngekusasa akumele nakancane ugudluke kuwona. Ukubekezela kuzokwenza ukuba uqale kabusha izinhlelo zakho.
LIBRA (Sept 23-Oct 22)
NGUWENA qobo ongenza izinguquko empilweni yakho, hhayi omunye umuntu. Ezinye izimo ezikuvivinyayo zincika ekutheni ukholo lwakho namandla akho uyakwazi yini ukukusebenzisa. Kuhle ukusondelana kakhulu nabantu ababukeka benemibono emihle ngekusasa. SCORPIO (Oct 23-Nov 21) FUNDA ukuzikhuthaza ukuze lizocaca kahle iphupho onalo bese ulwa ngamandla onke ukulifeza. Unokukhalipha okukhulu kodwa uphatheka kabi uma kukhona ababukela phansi ukucabanga kwakho. SAGITTARIUS (Nov 22-Dec 21) EMINYE imibono oke wayisebenzisa phambilini ingaphinde isebenze kahle futhi. Unokuzethemba okukhulu lapho ubekwa khona, kodwa awukuthandi ukuphikiswa. CAPRICORN (Dec 22-Jan 19) UYATHANDA ukuthuthukisa impilo yakho futhi uyathanda ukucija abanye ukuba balandele amaphupho abo. Izinto ezenzeke phambilini kumele ubheke ukuthi ungazedlulisa kanjani engqondweni. AQUARIUS (Jan 20-Feb 18) UNOKUCABANGA amaqhinga amaningi kakhulu okuzithuthukisa, kodwa bese unganyakazi ngesikhathi esifanele. Uyazama ukonga, kodwa kuhlale kunezidingo eziningi kakhulu ezikudinga usebenzise imali. PISCES (Feb 19-March 20) ISINQUMO ongasenza manje singaba nomthelela nakulabo osondelene nabo. Isimo sempilo yakho kumele uhlale usicubungula ukuze uzobona lapho ongasagculisekile kahle khona.