NGAPHANDLE KWENKUNDLA:
GILE izimanga usanelisiwe “Lion King” Mbanjwa eba ingqwele ye-international Association of Ultrarunners (IAU) 50km izolo ngoMgqibelo esaganu, enigeria. Ushaye intambo ngesikhathi esingu-3:34:05 kanti iningizimu Afrika yenze kahle kulo mqhudelwano njengoba nothobile Mbolekwa wehollywood edle umhlanganiso kwabesilisa ngesikhathi esiwu-3:00:02.
Lo msubathi ungene kwezokugijima ephoqwa nguthisha wakhe enza ugrade 12 ekhalina High School enorthdale, emgungundlovu.
Usanelisiwe ubeyisilomo esikoleni sakhe kwazise udle umhlanganiso ebangeni lika-3000m. Kusukela lapho akabange esabheka emuva. Ukhule ezesaba ezemidlalo njengoba ekhule enenkinga yamathambo. Uthi esakhula uhambe izibhedlela eziningi ezama ukuselapha kwanhlanga zimuka nomoya. Uthi selokhu engene kwezokugijima lesi sifo sisamxolele.
Uqokelwa eqenjini lesizwe nje, kuthe ngenyanga edlule wangena isine kwisoweto Marathon okungeminye yemijaho ehlonishwayo kuleli. Miningi eminye imijaho enze kahle kuyona. Phakathi kwayo kukhona imandela Marathon angene isithathu, yizululand District Marathon (ZDM) angene unombolo 10, iprince Mangosothu Ultra Marathon walala endaweni yesi-10, iharry Gwala Marathon ungene unombolo 7 ukubala nje embalwa.
Uzalelwe erichomnd, wakhulela emgungundlovu. Uzalwe mhlaka-4 kuNhlaba (May) ngo-1990. Basaphila bobabili abazali bakhe uthandi norester kanti bayisikhombisa kwabo uthembeka, unomvula, uthokozani, u-anele, ulondeka, usiphelele bese kuba nguye.
Ngesikhathi eqeda ugrade 12 wenze izifundo ze-administration kodwa wangaziqeda. Uzimisele ukuziqhuba ngonyaka ozayo kwazise ikusasa lezemidlalo lisheshe lishabalale.
Uthi abazali bakhe bayikho konke empilweni yakhe kanye nomthandeni Nene wemthande Athletes Management oyimenenja ophinde abe ngumqeqeshi oyishintshe kakhulu impilo yakhe selokhu eqale ukuhlangana naye.
Njengoba ubesenigeria izolo ngomgqibelo uthi kunabantu abaningi abadlale enkulu indima empumelelweni yakhe. Phakathi kwabo kukhona ikilabhu yakhe iphantane, umichelle Lucht oyitherapist, itugela Ferry Lodge abaqinisekisayo ukuthi yonke imijaho anesifiso sokuya kuyona uyaya.
Ingxoxo kasanelisiwe NELANGA Langesonto
( ngempilo yakhe yangaphandle kwenkundla ihambe kanje:
Ungumuntu onjani?
Ngiwumuntu onenhliziyo enhle. Kangikwesabi ukuthatha izinqumo. Nginesibindi.
Usichitha kanjani isikhathi sakho uma ungekho kwezokugijima?
Ngiye ngisize usisi wami uthembeka onenkampani yokupheka. Kuningi esengikufunde kuyena. Uyakholwa?
Yebo ngiyakholwa. Kangiwakhethi amabandla ngiya kunoma yikuliphi.
Yiliphi ivesi elikubusisayo?
Yileli elithi “Thanda umakhelwane wakho njengoba uzithanda wena”.
Usunayo ingane?
Kangikakabi nayo. Ufisa ukuhamba ngahloboluni lwemoto?
kwaland Rover.
Ngithanda izimoto za
Uma uzipholele ulalela hlobo luni lo mculo?
Ngiyazifela ngomculo werocky nehill Song kanti umculi engimthandayo ngudaughtry. Yikuphi ukudla ozifela ngakho?
Ngithanda ama- salad. Yini oqala uyenze uma uvuka ekuseni?
Ngigeza amazinyo. Emidlalweni yakuleli ewuchungechunge yimuphi owuthandayo? Ngithanda Isibaya kanti umlingisi engimthandayo nguthembi Nyandeni ongumancwane kulo mdlalo. Ubani umuntu obukela kuyena? Ngukhanyi Dhlomo ongusomabhizinisi odumile eningizimu Afrika wenza izinto eziningi ezahlukene. Yiliphi idolobha olithandayo? Yinew York. Ukhona ezinkundleni zokuxhumana?
Yebo ngikhona. Ngikwifacebook ngiwusanelisiwe Nokukhanya Mbanjwa. Uthanda umbala onjani? O- purple.
Yisiphi isilwane osithandayo nosesabayo?
Ngiyisaba ukufa inyoka kanti ngiyazifela ngokubuka izinyoni.
Uzibona ulaphi eminyakeni eyisihlanu kusuka manje? Ngifisa ukuzibona ngiwusomabhizinisi osezingeni eliphezulu. Kunosisi wami engimsizayo ebhizinisini lakhe lokupheka uthembeka kuningi engikufunde kuyena kanti nokulandela ukhanyi Dhlomo kuyangisiza kakhulu. Iphupho lami elikhulu ukunqoba icomrades Marathon ngelinye ilanga. Uthini umlayezo wakho entsheni? Intsha mayingesabi ukuqala izinto ezintsha. Kufanele yazi ukuthi iphilelani. Ukuphila ungenalo iphupho ufana nomuntu ofile.
Uma ungaba ngumengameli wezwe yini ongayishintsha? Ngingaqinisa imithetho ngilwisane nokuhlukunyezwa kwabesifazane nezingane. Kungiphula umoya ukuzwa ukuthi kunomuntu wesifazane noma ingane ehlukunyeziwe.