Iphinde yashaya udaka ichiefs
IQHUBEKILE nokuphisana ngamaphuzu amqoka ikaizer Chiefs ibambana nesupersport United ngo-1-1 emdlalweni wedstv Premiership izolo ngomgqibelo ntambama EFNB Stadium, enasrec, egoli.
Igoli lechiefs livalelwe ngobuchule ngureeve Frosler ngomzuzu ka-29 kwathi elesupersoprt lashaywa ngubradley Grobler ngoka-67 kuyiphenathi edalwe ngu-akumu Agay odonse uthamsanqa Gabuza ngejezi ephakathi ebhokisini. Ichiefs iqale lo mdlalo ngaphandle kwabadlali abayisithupha ngenxa yezizathu ezahlukene. Kubona kubalwa usiphosake Ntiya-ntiya, udarrel Matsheke, ulebohang Lesako, ukhama Billiat, ukgotso Moleko nodumisani Zuma.
Ichiefs yiyona ebibonana kangcono ngesiwombe sokuqala okwenze yathola igoli kuqala. Nokho-ke isupersport ivukile emaqandeni kwesesibili njengoba ibisiphungwa ngezithebe ezintini zechiefs. Ichiefs ize yakwazi ukudlala kangconywana ngemuva kwegoli lesupersport. Ukuhlasela kwayo ngokushesha kuphoqe uronwen Williams ongunozinti wesupersport ukusebenza ngokuphindiwe, ekubeni elinye ibhola ebelikhahlelwe ngunkosingiphile Ngcobo lingqubuze ipali.
Komunye umdlalo weligi, ichippa United icazelane amaphuzu nets Galaxy kuba ngu-1-1 izolo ngomgqibelo ntambama enelson Mandela Bay Stadium, ebhayi. Igoli lechippa livalelwe ngu-andile Mbenyane kuyiphenathi ngomzuzu ka-61 kanti eleGalaxy lishaywe ngulindokuhle Mbatha ngoka-66.
Imiphumela yegladafrica Championship imi kanje: Cape
United 0, CT All Stars 0; Steenberg 0, Callies 1; JDR 0,
Royal AM 0; Pretoria University 2, CT Spurs 0; Sekhukhune 1, TS Sporting 1.
Imidlalo yegladafrica enamuhla ngesonto imi kanje:
Egoble Park: Free State Stars vs Bizana Pondo Chiefs 15h30.
E-old Peter Mokaba:
Polokwane City vs Jomo Cosmos 15h30.
Emhlathuze: Richards Bay FC vs Uthongathi FC 15h30.