UKUSEBENZA NABAKWASPAR
Ekhuluma NELANGA Langesonto uthobza uveze ukuthi leli thuba lisho lukhulu kuyena, ikakhulukazi njengoba ibhizinisi lakhe lesitolo sokudlela like laphazamiseka ngenxa yokubhebhetheka kwecovid-19.
“Ngesikhathi kubhoke icovid, iningi labantu belicela ukuba sililethele emakhaya ukudla elikuthengile.
"Uma befikile bebethenga bahambe, ngakho sibone kungcono ukuba senze imizamo yokuxhumana nezitolo ezinkulu ezifana nospar, ukuze sikwazi ukwakha ubudlelwano nabo ngokuthi bathengise ukudla kwethu,” kusho le ntokazi iveza nokuthi kuthathe cishe amasonto amabili ukuze ikwazi ukuba ukudla kwayo kuphasiswe, kuvumeleke ukuthengiswa kwaspar. “Okwamanje besisavunyelwe kuspar oseglencore Centre, eglen Ashley, edurban
North, kanti sizimisele ukungena nakwabanye ospar maduze,” kusho uthobile ozalelwe wakhulela efannin, eclermont entshonalanga yetheku.
Uveze ukuthi okwenze kwashesha kwaba lula ukuba ukudla kwakhe kuphasiswe ukungena kulesi sitolo esikhulu, wukuthi uyayilandela yonke imigomo ebekiwe futhi nezitifikezi ezihambisana nezempilo nokuphepha, zikhona futhi zisemthethweni.
Uthobile uthe uthando lokupheka walufakwa nguninalume okunguyena owamfundisa okuningi ngokupheka.
Uthi nakuba akuthanda esakhula ukupheka kodwa akasheshanga wagxila kukhona njengoba wathi eqeda ukwenza umatikuletsheni, wenza izifundo ze-accounting angaziphothula
nga.
“Ngashesha ngabona ukuthi akuyona into engizimisele ukuyenza le. Ngenxa yokuthi ngangingakaqondi kahle ukuthi ngifuna ukwenzani, ngazithola sengimodela okuyilapho ngangena khona kwitouch Africa,” kusho yena.
Uthi nakuba ebenza lokhu kodwa ukupheka bekulokhu kukhona kuyena njengoba ebevamise ukumema abangani bakhe abaphekele.
Uthobile kwesinye isikhathi uthi (abangani) bebemcela ukuba ayopheka angababizi imali labo abamcelile, kodwa bamnike lokhu abamnika khona.