SEBASTIAN JILI
NGABE WUSUKU LWAKHO LOKUZALWA NAMUHLA?
UKUTHANDA kwakho ezokungcebeleka kumele ukuqaphele ukuthi akukulimazi yini kwezomnotho. Kuzodingeka ukhohlwe yimicabango nezehlo ezimbi esezadlula, ugxile ezintweni ezikusa phambili. Qikelela ukuthi wenza izinto ngendlela ehlelekile empilweni yakho.
ARIES
UZOTHOLA abantu abazokugqugquzela baphinde bavuselele amathemba empilweni yakho. Izinselelo obhekana nazo ubuye ubone ukuthi zidalwa ngamaphutha owenze phambilini. Ukusebenzisana kwakho nabantu kuzokwenza
TAURUS (April 20-May 20)
USENOKUDIDEKA ukuthi yimaphi amasu okumele uwasebenzise ukuze uzogcina umaqondana wakho enamathele kuwena. Amakhono nolwazi kumele ukucije ukuze kuzokuvulela amathuba afanele.
GEMINI (May 21-June 20)
ZAMA ukuchushisa abantu abajwayele ukubalisa ukuthi basebenzise abanakho ukuze bezothola abangenakho. Unenkolelo yokuthi impumelelo iza emva kwezithukuthuku. Amandla akho omqondo wavivise ezinhlelweni ezimqoka.
CANCER
UKUZETHEMBA kuzokwenza wenze kangcono ezindimeni ezahlukene. Ukushesha kwakho ukugculiseka ngalokho okuncane okuthole empilweni kungakuncisha ithuba lokuba udlulele kokuthe xaxa. Ungaziqhathanisa nabanye.
LEO (March 21-April 19) (July 23-August 22)
KUNGENZEKA abanye bamangale uma bekubona uqhela kubona, kanti wena unezizathu ezisemqoka. Zama noma yini entsha empilweni uma ubona ukuthi izoguqula impilo yakho. Uyakwazi ukubekezelela izimo ezinzima kakhulu
VIRGO (June 21-July 22) (Aug 23-Sept 22)
UNGAKUNGABAZI ukuthi impumelelo isezandleni zakho uma unyakaza. Kuzodingeka uthathe isinqumo esibalulekile kakhulu ngempilo yakho. Ezintweni eziningi ozihlelayo kumele uqaphele ukuthi awusaphazi okuncane onakho.
LIBRA (Sept 23-Oct 22)
KUYADINGEKA ukuzehlisa uma kukhona ofisa ukukuthola. Khumbula ukuthi ukubekezela nokuxolela kuyisisekelo sothando. Kuzodingeka uqiniseke ukuthi izinqumo ozithathayo ziyavumelana kakhulu nonembeza wakho.
SCORPIO (Oct 23-Nov 21)
YISIKHATHI sokuba uhlele ndawonye nomndeni wakho isikhathi senjabulo. Uma unomzimba ophapheme nakanjani nengqondo yakho izophaphama. Isidingo sokukhathazeka ngekusasa asikho nakancane. Uzomangala ukubona abantu abaningi bexhumana nawe.
SAGITTARIUS (Nov 22-Dec 21)
KUMELE uzihlanganise nezinto ezenziwa ngabanye. Qaphela noma yini oyidlayo ukuthi ayidali umonakalo emzimbeni wakho. Yenza noma yini ezogcina umaqondana wakho ethokozile ngawe. Kunamaphupho amakhulu ofisa ukuba afezeke ngalo nyaka empilweni yakho.
CAPRICORN (Dec 22-Jan 19)
NOMA yini ezokwenzeka empilweni yakho yihlaziye. Kungenzeka umaqondana omdala afise ukusondela kuwena. Khumbula ukuthi ayikho into eyenzeka kungenasidingo. Izinkanyezi zakho zizokunika ithuba lokufunda okusha.
AQUARIUS (Jan 20-Feb 18)
USIZO ungaluthola lapho obungabacabangi ukuthi ungaluthola khona. Kuzodingeka uqinise endleleni yokuzithuthukisa futhi unyakaze ngawo wonke amandla onawo ukuze uzokwazi ukuphumelela ezifisweni zakho.
PISCES (Feb 19-March 20)
KUZODINGEKA uhlale emzabalazweni wakho ungajiki kuwona. Ulwazi lungamandla kakhulu kuwena ngakho kuzodingeka uhlale uhlomile ngalo. Noma zingaba khona izinselelo obhekana nazo, kodwa ngeke zibe namandla okukuqumba phansi.