NGAPHANDLE KWENKUNDLA:

USENQOBE imijaho eminingi emazweni ahlukene usphamandla Nyembe wexcel Running Club asanda kuyijoyina esuka kwithekwini Athletics Club (EAC) kambhishobhi Vusi Dube.

Unyembe usenqobe imijaho eminingi emazweni ahlukene. Phakathi kwemijaho aseke wayinqoba kukhona i8 I Woodlands, i-austin yomibili ayigijime e-united United States (USA) ngo-2017.

Ngo-2018 ube yingqwele yomjaho Imbube Marathon eswazini lapho enza khona irekhodi kanti kuleli miningi asezidlele amahlanga kuyona.

Lo msubathi wazalwa ngomhla ka-6 kumbasa (April) edannhauser.

Uphothule ugrade 12 esizimele High School ngo-2010, wabe esedlulela emnambithi TVET College enza iziqu zehuman Resources.

Uqale ukuzihlanganisa nezokugijima esafunda emazingeni aphansi. Kuthe enza ugrade 11 wahlangana novusi Madlala ongomunye wabaqeqeshi abahloni-shwayo kwezokugijima Kwazulu-natal.

Usuke ngaphansi kukamadlala wajoyina umagic Hlatshwayo omsizile ukuya okokuqala phesheya kwezilwandle. Kuthe uma ehlukana nohlatshwayo wajoyina I-EAC lapho ehlangane khona noMandla Mngomezulu athi ufana nobaba kuyena ngendlela awusizo ngayo. Namanje usasebenza naye umngomezulu kwixcel Running Club.

Ingxoxo kanyembe NELANGA Langesonto ( I/ L) ngempilo yakhe yangaphandle kwenkundla ihambe ngalolu hlobo:

I/ L: Ungumuntu onjani? Nyembe: Ngingumfana okhulele emakhaya, lapho okungenzeki khona izinto eziningi eziyintuthuko. Ngingumuntu wabantu, ngikhonze amancoko.

I/ L: Ngabe basaphila abazali?

Nyembe: Kabasekho bobabili emhlabeni. Ekhaya sibane ngami. Abafowethu ngusiyabonga nosibusiso nodadewethu usinenhlanhla.

I/ L: Yimiphi imikhuba yabafana obuyenza usakhula?

Nyembe: Cishe ngiyenze yonke ngoba ngelusile, ngaqhathwa, ngalidlala ibhola njengabo bonke abafana.

I/ L: Uyakholwa?

Nyembe: Ngiyakholwa kodwa kudala ngagcina ukuya esontweni.

I/ L: Wake washelwa ngumuntu wesifazane?

Nyembe: Kukaningi bengeshela kwazise ngiyabukeka futhi ngingumuntu wamancoko, lapho engikhona kuhlale kuhlekwa.

I/ L: Unayo ingane?

Nyembe: Nginayo igama layo ngu-alwande futhi nginaye umuntu engithandana naye.

I/ L: Yini eyokuqala oyenzayo uma uvuka ekuseni?

Nyembe: Ngiphuza amanzi ashisayo bese ngilungiselela ukuya ejimini.

I/ L: Yiluphi uhlobo lwemoto ofisa ukuhamba ngalo?

Nyembe: Yi-audi A4.

I/ L: Yisiphi isilwane osithandayo nosesabayo?

Nyembe: Ngithanda izinkomo futhi ngiyafisa ukuba nazo ngelinye ilanga. Engisesabayo yinyoka.

I/ L: Yiliphi izwe ofisa ukulivakashela?

Nyembe: Yi-united States of America (USA), ngayithanda ngesikhathi ngiyogijima khona.

I/ L: Emidlwalweni yakuleli ewuchungechunge yimuphi ongakuphutheli?

Nyembe: Yithe Queen ngichazwa ngumlingisi wayo ubrutus Khoza odlalwa nguthemba Ndaba.

I/ L: Uma uziphumulele ulalela nhloboni yomculo?

Nyembe: I- hip hop kanti umculi engimthandayo ngubig Zulu ogama lakhe langempela ngusiyabonga Nene wodumo lwenoni elithi, Imali Eningi.

I/ L: Ngubani umuntu obukela kuyena?

Nyembe: Ngusiyabonga Nkonde ongomunye wabaqeqeshi bekilabhu yami.

I/ L: Usebenzisa nhloboni yesiqholo?

Nyembe: Ngithanda noma yinhloboni yinqobo nje uma ingenalo iphunga ecikayo.

I/ L: Yiluphi usuku ongasoze walukhohlwa empilweni yakho?

Nyembe: Yingesikhathi ngigibela ibhanoyi ngiyogijima phesheya kwezilwandle. Sisakhula sasingazitsheli ukuthi kule ndawo engidabuka kuyona kukhona umuntu ongalibangisa phesheya kwezilwandle. Ngicabanga ukuthi kontanga bami yimina kuphela oseke waya phesheya.

I/ L: Ukhonze nhloboni yokudla?

Nyembe: Ngithanda ukudla kwesintu.

I/ L: Njengoba kuzokuba nokhetho kwezokugijima nje ngubani ofisa aphathe?

Nyembe: Ngingajabula uma kungangena umuntu okhuthele, ozolwela izimfuno zabagijimi, sibe nemincintiswano esezingeni eliphezulu ikakhulukazi itrack & Field ewumgogodla wezokugijima.

I/ L: Uthini umlayezo wakho entsheni?

Nyembe: Kubalulekile ukuba isebenze kanzima ukuze ishintshe impilo yayo. Mina ngikhulele emakhaya ngangingazitsheli ukuthi ngingagcina ngibeke umconjwana wami E-USA.

Uma ungumuntu kubalulekile ukwazi ukuthi uphokophelephi empilweni.

I/ L: Uma ungaba ngumengameli wezwe yini ongagxila kuyona?

Nyembe: Ngingazama konke okusemandleni ukwakha amathu

USPHAMANDLA Nyembe ogijimela i-xcel Running Club asenqobe kuyo imijaho eminingi emazweni ehlukene.