UManyonga uphule irekhodi lase-Afrika
UMSUBATHI waseNingizimu Afrika, uLuvo Manyonga, uphule irekhodi lakhe lase-Afrika le-Long Jump kwiSouth African Senior Track and Field Championships eqale ngoLwesihlanu yasongwa ngoMgqibelo eNorth West.
Le midlalo ibihlelelwe abasubathi bakuleli ukwenza izikhathi zokuya kwi-International Association of Athletics Federation (IAAF) World Championship ezokuba ngoNcwaba (August) eLondon. UManyonga weqe ibanga elingu-8.65m ecisha isikhathi sakhe u-8.62m awubeke ngenyanga edlule eGoli.
UWayde van Niekerk ophethe irekhodi lomhlaba le-400m, uzibuyise zishisa izinduku ku-Akani Simbine edla ubhedu kwi-200m ngemuva kokuba uSimbine emshiyile kwi-100m. UCaster Semenya uzivikele zombili izicoco zakhe kwi-400m nakwi-800m.
Kubhekeke ukuthi maduzane i-Athletics South Africa (ASA) iqoke iqembu lakuleli elizokuya eLondon.
Kusenjalo, uLovemore Chabata weMaxed Elite, ube yingqwele yeChatsworth Freedom Marathon kwathi uLisa Collett wanqoba kwabesifazane izolo ngeSonto eChatsworth, eningizimu yeTheku. Lo mjaho bekungowokuvivinya abagijimi ngaphambi kweComrades Marathon ezokuba mhla zizine kuNhlangulana (June) isukela eThekwini isongwe eMgungundlovu.
Isiyonke imiphumela yalo mjaho imi kanje: 1.Lovemore Chabata (Maxed Elite) 3:14:21, 2.Fanuel Mapamula (Hollywoodbets) 3:19:20, 3.Dumsani Dlamini (Ingwavuma) 3:22:20, 4.Sphesihle Nene (Maxed Elite) 3:23:06, 5.Mdumiseni Zondi (Orion) 3:24:27, 6.Sanele Malunga (Maritzburg City) 3:25:45, 7.Derrick Gumende (Checkout Verulam Falcons) 3:26:26, 8.Sabelo Ngcobo (Mtubatuba) 3:31:01, 9.Nkosingiphile Ntuli (Scottsburgh) 3:31:13, 10.Magama Ngcobo (Chesterville) 3:32:38.
Kwabesifazane: 1.Lisa Collett (Boxer) 3:58:19, 2.Nonsikelelo Mbambo (Natal Carbs) 4:28:41, 3.Patricia Dammann (Team Vitality) 4:31:26, 4.Yolande Visser (Bluff) 4:38:38, 5.Alison Uys (Westville) 4:42:59, 6.Sarah Wilson (Westville) 4:43:00.
Kwi-21km kwabesilisa: 1.Sphamandla Nyembe (Ethekwini) 1:12:28, 2.Thabiso Ngalonkulu (Bluff) 1:15:01, 3.Donald Kgosimang (Westville) 1:17:23. Kwabesifazane: 1.Slindile Chili (Ethekwini) 1:29:38, 2.Maya Lawrie (Boxer) 1:30:13, 3. Xoli Madida (Natal Carbs) 1:39:58.
Kwi-10km kwabesilisa: 1.Muziwenkosi Mjaja (Nedbank) 32:37, 2.Mbhasobhi Gumede (Hollywoodbets) 33:10, 3.Delani Mkhize (Nedbank) 33:21. Kwabesifazane: 1.Zama Mokoena (Nedbank) 40:12, 2. Hlobisile Madida (Newcastle Harries) 44:35, 3.Neliswa Biyela (Ogwini) 44:46.
Kwabahambayo, kwabesilisa: 1.Vukani Mdunge (Savages) 53:09, 2.Eddie Singh (Checkout) 1:08:57, 3.Eugene Johannes (Sydenham) 1:09:19. Kwabesifazane: 1. Babongile Memela (SAPS Ingwenya) 1:06:42, 2.Khethiwe Memela (Nedbank) 1:12:07, 3. Antoinette Bennett (Highway) 1:14:03.