BUPHI UBUFAKAZI NGOKUFA KUKAJESU?
MHLELI: Uma abantu bexoxa ngesigameko abasibona sibalulekile kodwa baphikisane ngemininingwane emqoka ngaso kuye kube khona ungabazane ngobuqiniso baso.
Uma sikubeka eceleni ukuthi kabukho ubufakazi obukhomba ukufa kukaJesu, into ekhona wumbhalo nje othi wafa, sithathe ngokuthi wafa ngempela bese sibheka imibhalo ngokuvuka kwakhe. UMathewu 28:5 usitshela ngoMariya ababili abaya elibeni ekuseni. UMarku 16:1 yena uthi bathathu uze asinike namagama abo. ULuka 24:1 (uqale ku-23:55) usitshela ngabesifazane angasho nokho ukuthi babebangaki. Akazimisele nangokusho uMariya Magdalena obalulwa yilabavangeli abathathu.
UJohane 20:1 yena-ke uthi munye umuntu wesifazane owaya elibeni. Kubona bobane abavangeli yimuphi ositshela iqiniso?