KUGXABHA AMATHUMBU KWI-PIRATES NGE-WITS
Unovalo lweWits engagayelwa mphako
INGEBHE kuKjell Jonevret ongumqeqeshi we-Orlando Pirates ezodudulana neBidvest Wits kowe-Absa Premiership ngoLwesine ngo19h30 eBidvest Stadium, eGoli.
IBucs iya kulo mdlalo nje, isefomini njengoba imiphumela isiyivuna. NgoMgqibelo iguqise iChippa United ngo-2-1 koweligi eSoweto.
UJonevret uthi ubona ingozi kwiWits.
“IWits ngiyayesaba ngoba ilwela isicoco seligi, ngendlela ezami ezibuye zibe namaphutha awubungane ngayo nginovalo. Phela iWits inabadlali abaseqophelweni eliphezulu abangawabheki amaphutha.
“Kodwa-ke sizozama ngawo wonke amandla esinawo ukunciphisa amaphutha nasemuva siqine ukuze siwunqobe lo mdlalo. Ithuba sinalo futhi-ke ne- top 8 siyigaqele ngakho-ke kubalulekile ukuthi siwunqobe lo mdlalo,” kusho lo mqeqeshi ogcizelele ukuthi emdlalweni neChippa babe nenhlanhla yegoli lesibili ngobudedengu bukanozinti.
UMoeneeb Josephs, ovimbela iWits, uthi ngeke bayivumele iPirates ukuthi ime endleleni yabo.
“IPirates isefomini kulezi zinsuku kodwa ngeke sivume ukuthi isiphazamise emgqigqweni wethu wokunqoba iligi,” kusho uMoe-
neeb.
Isiyonke imidlalo ye-Absa Premiership ezokuba phakathi nesonto nangempelasonto iqhathwe kanje:
NGOLWESITHATHU ELucas Moripe: SuperSport United vs Bloem Celtic 19h30.
NGOLWESINE
ELucas Moripe: Mamelodi Sundowns vs Platinum Stars 18h00.
EBidvest Stadium: Bidvest Wits vs Orlando Pirates 19h30. NGOLWESIHLANU
E-Athlone: Cape Town City vs Free State Stars 19h30. NGOMGQIBELO
ESisa Dukashe: Chippa United vs Ajax Cape Town 15h00.
E-Old Peter Mokaba: Polokwane City vs SuperSport United 18h00.
E-FNB Stadium: Kaizer Chiefs vs Golden Arrows 20h15. NGESONTO
E-Orlando Stadium: Orlando Pirates vs Mamelodi Sundowns 15h00.
ERoyal Bafokeng: Platinum Stars vs Highlands Park 15h00.
EBidvest Stadium: Bidvest Wits vs Maritzburg Utd 15h00.
senzos@ ilanganews.co.za