IZINKANYEZI SEBASTIAN JILI

NGABE WUSUKU LWAKHO LOKUZALWA NAMUHLA?

2017-05-01 -

ISIKHATHI sokulinda umvuzo othile empilweni yakho sikufanele kakhulu. Lokho okucabangayo ungagcini ngokukucabanga kodwa kumele ukwenze.

ARIES (March 21-April 19)

IZINKINGA zomndeni ngeke zilunge ngokushesha. Abantu oxhumene nabo bazokuthokozela kakhulu ukusizwa nguwena ngoba unothando lokusiza abanye.

TAURUS (April 20-May 20)

UYAKWAZI ukubumba amasu aphusile uma ubambisana kahle nabomndeni wakho. Uma ukwazi ukulawula ngokucophelela imicabango yakho, izokwazi ukukuvezela imigudu okumele uyilandele.

GEMINI (May 21-June 21)

UBUYE ufikelwe wukulahla ithemba ngezinye izinhlelo zakho. Uyakwazi ukuzimela ngokomqondo futhi kawukuvumeli ukuthathelwa izinqumo. Omunye obekumele akusize ubona sengathi uyanqikaza.

CANCER (June 21-July 22)

UKUTHUTHUKA komqondo wakho kuzokwenza ucabange izinto bese uyazenza. Impumelelo yakho izodinga ukuba usebenzise ubuhlakani obukhulu kakhulu. Vumela umqondo usabalale ezintweni ezithinta ikusasa lakho.

LEO (July 23-August 22)

UKUNYAKAZISA umzimba ngokuzivocavoca, kungakusiza uhlale uwumqemane. Kuzodingeka ufunde ukonga ukuze uzokwazi ukubhekana nesikhathi esizayo sempilo.

VIRGO (Augt 23-Sept 22)

KUGWEME ngempela ukuhlehlisa izinto uma ufuna impumelelo empilweni yakho. Unesikhathi esiningi sokuhlaziya izimo zempilo ukuze uzokwazi ukuxwayisa nabanye ngobunjalo bempilo.

LIBRA (Sept 23-Oct 22)

THATHA isikhathi esanele ucabanga ngoba ungase uthathe izinqumo ezibucayi. Uyaqonda ukuthi ikusasa lakho kalincikile komunye umuntu kodwa lincike kuwena uqobo.

SCORPIO (Oct 23-Nov 21)

UKUCABANGA kwakho kumele kuhleleke kabusha. Qaphela ukuthi kawuzenzi izethembiso ongeke uzifeze kakhulukazi ebudlelwaneni bakho. Izinguquko ozozibona zizohambisana kakhulu nalokhu okucabangayo.

SAGITTARIUS (Nov 22-Dec 21)

IQHAZA lakho linakwe ngabantu abaningi abahlukene. Kumele ukwenze kube wumgomo ukusebenzisa sonke isikhathi sakho uze ufinyelele enhlosweni yakho.

CAPRICORN (Dec 22-Jan 19)

KUMELE uvele uhlale amagqozo kuzona zonke izinhlelo zakho ngale kokungabaza. Isimo sakho sezimali sibonakala sintenga uma ubheka uhla lwezidingo zakho.

AQUARIUS (Jan 20-Feb 18)

JULISA umqondo ucabange izindlela ezintsha zokunyusa izinga lokuphila kwakho. Ukwakha amasu aphusile kumele kuhambisane kakhulu nesimo okusona. Kudingeka ube nodlebe ukuze uzofunda okumqoka empilweni yakho.

PISCES (Feb 19-March 20)

UYABONA ukuthi uhlangothi oluhambisana nemibono yakho luya ngokugqama. Ungagqama umfutho wakho uma uzikhumbuza ngokuhlabana kwakho. Kunemizabalazo eminingi ozibekele ukuyinqoba ngesikhathi esithile.