USEYIHLAYA USTEVE KOMPHELA
USEPHENDUKE ihlaya uSteve “Mphathi” Komphela ongumqeqeshi weKaizer Chiefs njengoba kubukeka ivuthwa eyokuqopha umlando omubi kule kilabhu wokuphela kwamasizini amabili ingakaze inqobe inkomishi okuyinto engakaze yenzeke selokhu kusungulwe iPremier Soccer League (PSL).
IChiefs izobhekana neLamontville Golden Arrows kowe-Absa Premiership ngoMgqibelo ngo-20h15 eFNB Stadium, eSoweto. IChiefs iya kulo mdlalo nje, amathuba ayo okuthi ithathe isicoco seligi aphazamisekile ibambana neSuperSport United ngo-2-2 koweligi ngoMgqibelo eMbombela.
UKomphela uye kulo mdlalo ethi akakaliphonsi ithawula ngesicoco seligi. Emuva kokuthola iphuzu uvele waphenduka inhlekisa ezinkundleni zokuxhumana abalandeli behlekisa ngaye. Abanye bebelibeka ngesihloko elokuthi uyisahluleki esifanelwe wukuqeqesha amakilabhu avika izembe kuphela hhayi alwela izicoco njengoba engakaze anqobe ngisho inkomishi eyodwa. Babodwa abebethi uyiphendule inhlekisa iChiefs kwayena uyihlaya kufanele ahambe.
Wits 1, Sundowns 0; Pmb Utd 1, Cape Town City 0; Ajax 2, Platinum 0; Baroka 1, Celtic 1; Pirates 2, Chippa 1; SuperSport 2, Chiefs 2; Free State Stars 1, Polokwane 2; Arrows 0, Sundowns 2; Highlands 0, Wits 2.
* Thanda 2, Magesi 1; Leopards 3, AmaZulu 2; Spurs 3, Milano 2; Stellenbosch 4, Mthatha 0; Mbombela 3, Santos 0; FC Cape Town 1, Cosmos 0; Kings 0, Eagles 1; Cape Town All Stars 1, University of Pretoria 0. * Durban FC 1, Mvoti 2; Uthukela 0, Uthongathi 3; Ashley 1, KwaDukuza 3; Sobantu 1, Dundee 0; Gamalakhe 2, Wanderers 3; AmaJuba 2, KwaMashu 0 ( Kugingqiwe ).