UBHEKENE NAMACALA ANGU 22 U-OMOTOSO
USEBHEKENE namacala anga-22 uMfu Tim Omotoso (53) weDominion International Church eThekwini obevele eNkantolo yeMantshi yaseBhayi izolo ngoLwesithathu emuva kokuboshwa mhla zingama-21 kuMbasa (April) esikhumulweni sezindiza eBhayi.
UMfu Omotoso ubefunelwa amacala amane kodwa sekuthasiselwe ali-18. Abantu bebephume ngobuningi enkantolo ukuyozibonela ngawabo lo mfundisi.
Ukuvela kwakhe enkantolo kuke kwabambezeleka ngenxa yesicelo seSABC sokusakaza bukhoma konke okuphathelene namacala kaMfu Omotoso enkantolo.
IMantshi Thandeka Mashiyi, ikuhlehlisile ukuqulwa kwecala ngoba ifuna ukuxhumana nabammeli nabashushisi izwe ukuthi bayasivuma na isicelo seSABC.
Ummeli kaMfu Omotoso, u-Adv Alfonso Hattingh akakuthandanga neze lokhu, ekhala ngokuthi isicelo seSABC sifike ngemuva kwesikhathi.