IZIMEMEZELO:
PENTECOSTAL FIRE OF JESUS MINISTRY
KWAZISWA bonke abazalwane, akukhethi hlelo, ngezimvuselelo zaleli bandla ezizokuba kwa-J eMlazi, eziqale izolo ngoLwesithathu eziyoze ziphothulwe ngoMgqibelo, ziqala njalo ngehora lesi-6 ntambama. Izikhulumi nguMfu B Mzulwini noDkt NT Magwaza. Ngemibuzo shayela kwethi: 076 780 9604 noma 083 858 5445.
LIFE ABUNDANCE BIBLE CHURCH INTERNATIONAL
KWAZISWA bonke abazalwane ngendumezulu yenkonzo yokuvulwa kwegatsha leLife Abundance Bible Church International eZiphatheleni Hall eMbumbulu mhla zingama-20 kuNhlaba (May) ngele10 ekuseni. Kule nkonzo kuzogcotshwa uMnu Sizwe Manqele ongumsakazi weMbokodo FM kwesokuba ngumfundisi kulona leli bandla. Ngeminye imininingwane shayela kwethi: 060 481 3868.
OFAKAZI BAKA JEHOVA
Ofakazi bakaJehova kulezi zindawo: Ifracombe, eMgababa, eMfazazane, eHlokozi, eMandawe, eFafa naseJolivet bamema bonke abanentshisekelo ukuba baye emhlanganweni wabo wesigodi ongowesibili kulo nyaka, ozokuba sehholo lomphakathi eMgababa Thusong Centre ngoMgqibelo ligamenxe elesi-9 ekuseni. Ngemibuzo shayela kwethi: 084 762 8140.
KWAMSINDISI BIBLE COLLEGE
KWAZISWA bonke abazalwane ngomkhosi wokwethwesa iziqu kulesi sikole lapho kuzoba nabahlonishwa ngeziqu zobudokotela kwezenkolo yobuKristu endlini yebandla, i-Africa GMAC eSection 3 eMadadeni, eNewcastle ngeSonto ngele-10 ekuseni. Ngemibuzo shayela uNobhala MT Zakwe kwethi: 073 137 1895/082 955 3202.
SOUTH AFRICAN SPIRITUAL CHURCHES ASSOCIATION (S.A.S.C.A)
LE nhlangano yamabandla imema abefundisi emhlanganweni ozokuba seThekwini ehostela labesifazane iThokoza mhla zingama-20 kuNhlaba ngelesi-9 ekuseni. Ngemibuzo shayela uMfu S.A. Mbokazi kwethi: 076 839 3502.
ST PAUL BIBLE INSTITUTE
KUMENYWA bonke abazalwane enkonzweni yokugqokiswa kwabefundisi abebenza izifundo kulesi sikhungo ezokuba seCinema Hall kwa”W” eMlazi mhla zili-10 kuNhlangulana (June) ngele-10 ekuseni. Ngemininingwane shayela kwethi: 079 573 6295 noma 063 420 4643.
SAPS INANDA
KUCELWA umphakathi ukuba uyothamela inkonzo ehlelwe ngokubambisana nomnyango phansi kweNanda Area ezokuba seNamibia kwaChampion ngeSonto ngele-10 ekuseni. Kuyothandazelwa izinkinga zokubulawa kwabantu, wukuhlukunyezwa kwabantu abadala, wukusetshenziswa kwezidakamizwa nokunye. Ngemibuzo shayela umxhumanisi, uKapteni GP Simelane kwethi: (031) 510 9967 noma 072 017 1686.
UYACELWA UVELE NGASEKHAYA
Sicela ukuba uLubede Mbakaba avele noma kuvele izihlobo zakhe zithinte le nombolo 0836459108 noma ku: 036 6314674. Bangawathumela namaSMS. Kumayelana nodaba oluthinta yena uLubede.