Sikhonjwa kwiPirates isikhiye sePSL
Izobhekana nezimbangi zesicoco ezinsukwini ezine
I-ORLANDO Pirates iphethe isihluthulelo sekhabethe elinenkomishi emqoka ngaphansi kwePremier Soccer League (PSL), i-Absa Premiership.
Lokhu kuzwakaliswe nguGavin Hunt ongumqeqeshi weBidvest Wits ehlezi esicongweni salesi sigaba okucinene utshumo embangweni waso. IWits inamaphuzu angama-51 emidlalweni engama-25, ilandelwa yiMamelodi Sundowns ngamaphuzu angama-50 emidlalweni elinganayo. ICape Town City ibambe isithathu ngamaphuzu angama-49 emidlalweni engama-26.
IWits izobhekana nePirates koweligi namuhla ngoLwesine ngo-19h30 eBidvest Stadium. Emuva kwalo mdlalo iPirates izodlala neDowns ngeSonto ngo15h00 e-Orlando Stadium, eSoweto. Namuhla iDowns idlala nePlatinum Stars ngo-18h00 eLucas Moripe Stadium.
UHunt uthi ukholwa wukuthi yile midlalo emibili ezogijinywa yiBucs namakilabhu abanga iligi ezocacisa ingqwele yangale sizini yalesi sicoco.
UHunt uthe: “IBucs yiyona ezocacisa ukuthi yiyiphi ikilabhu ezohamba nesicoco seligi njengoba umbango kubukeka sengathi usuphakathi kwethu neSundowns. Ukwehlula kwethu iSundowns (ngo-1-0 ngoMsombuluko) kakwenzanga mehluko otheni kangako.
“Ukhiye walesi sicoco ukwiPirates njengoba izodlala nathi (namuhla) iphinde ibhekane neSundowns ngeSonto. Kodwa-ke siyakwazi okufanele sikwenze, noma kanjani kufanele siwunqobe lo mdlalo.”
Ngakolunye uhlangothi, uKjell Jonevret opheka iPirates uthi ngeke akuvume ukwenziwa yiWits isitebhisi sokuthatha isicoco seligi. Lo mdlalo umqoka kwiWits ukuqinisa indawo yayo esicongweni. UJonevret uthi:
“Ngiyakuqonda ukuthi ikilabhu yami kayenzi kahle (kwiligi) kodwa ngikholwa wukuthi ukhona umehluko esesiwenzile ikakhulukazi emuva okuyilapho ebesinenk- inga khona. IWits iyashesha phambili kodwa-ke ngeke ngivume ukuthi isenze isitebhisi sokuthatha iligi.
“Ngibadonse ngendlebe abafana bami ngobumqoka bokunqoba lo mdlalo. Empeleni sifuna ukufaka unyawo lwedada ezinhlelweni zayo. Phela nathi sigaqele ukungena kwi-top 8,” kusho uJonevret.
Isiyonke imidlalo ye-Absa Premiership ehlelwe ukugijinywa kuze kube yingempelasonto imi
kanje: Mamelodi Sundowns vs Platinum Stars 18h00 (SS4).
Bidvest Wits vs Orlando Pirates 19h30 (SS5).
Town City vs Free State Stars 19h30 (SS4).
ESisa Dukashe: Chippa United vs Ajax Cape Town 15h00.
Polokwane City vs SuperSport United 18h00 (SS4). Kaizer Chiefs vs Golden Arrows 20h15 (SS4).
Orlando Pirates vs Mamelodi Sundowns 15h00 (SS4). Platinum Stars vs Highlands Park 15h00. EBidvest Stadium: Bidvest Wits vs Maritzburg Utd 15h00 (Select).
Ngibadonse ngendlebe abafana bami ngobumqoka bokunqoba lo mdlalo.