ISEKELA LIKAMENGAMELI LIVAKASHELE KWASHEMBE
UBESESHODA ngomNazaretha uMnu Cyril “CR17” Ramaphosa (okwesokunxele) oyisekela likamengameli, obevakashele ibandla lamaNazaretha ngoLwesibili njengoba linomkhosi walo waminyaka yonke oseGibisila eSikhawini eMpangeni, enyakatho-mpumalanga yeKwaZuluNatal. UMnu Ramaphosa ubehambisana noMnu Senzo Mchunu oke waba ngundunankulu waKwaZulu-Natal kodwa wakhishwa kabuhlungu. Nokho njengoba bekugujwa usuku lwezisebenzi, igama likaMacingwane belihamba phambili kwabamthandayo. Kulo mkhosi wamaNazaretha kusuke kukhunjulwa umsunguli waleli bandla, uMprofethi Isaiah Shembe owakhothama zimbili kuNhlaba (May) emzini waseMkhayideni eRichards Bay. Emuva kukaMprofethi Isaiah kuthathe iNkosi Galilee Shembe enguyisemkhulu weNkosi Vukile Shembe ehola uhlangothi lwaseKuphakameni lona olwenza lo mgubho eMkhayideni.