IMIBONO YABAFUNDI KU-FACEBOOK NGOKUHHEWULWA KWABAHOLI BE-AFRICAN NATIONAL CONGRESS (ANC) E-FREE STATE, KWAZULUNATAL NASELIMPOPO NGOSUKU LWEZISEBENZI, I-MAY DAY:
INESIBINDI nayo le ndoda yakwaZuma, iyabona umonakalo esiwudalile ezweni kepha iyaqhubeka kunokuba ishenxe, ihlukane nobumengameli ngoba buyayehlula. Mbongeni Shezi
KAKULULA ukuba yehle (le ndoda) ngoba iyazi izobhekana nejele. Ndukenhle Cebekhulu
KUNGAKHALWA nje ngoba ukukhala kwabekwa kepha umuntu ongaqedanga kwasikole angaliphatha kanjani nje izwe? Nize niyamvuna nithi uvikela umnotho, nini khona ngoba kade enza ihlaya ngokuwa kwerandi nje kwacaca nalapho ukuthi akazi lutho ngezomnotho, wedukisa abantu abangazi njengaye. Sanele S Hlongwane
UMUNTU osathi uMsholozi makaboshwe usebumnyameni ngempela. Isitha la yilaba abamelene
nenoguquko olunqala kwezomnotho, inqwaba yenu engazi nokuthi imeleni, nci ncii nciii. Kusekude phambili esizweni esimnyama.
NGIYAYITHANDA le nto eyenzeke eBloemfontein, uZuma kumele ehle esikhundleni. Abantu abaningi kabawuqondi umonakalo asewenze nalaba bakwaGupta emnothweni wezwe. David Sisilana
VIVA Msholozi viva! Wubala lolu, vele uma unokholo oluncane sikubona ngokufika kwezivunguvungu zikuketule uvume phansi. Thembi Madlamini Nkwanyana
IZIPHUKUPHUKU zamvotela uZuma, zihlulwa yini ukulinda unyaka wezi-2019 bese zivotela lowo ezimfunayo? Mehlow Jwara
LABA abathi makehle uZuma bathi makungene bani abanesiqiniseko esingakanani sokuthi uzodala ushintsho? Masingabhayiziswa yilaba abavele bengamavukelambuso. Mhlawumbe lokhu uZuma abezokusho bekuzobahlomulisa abanye kodwa bamvimbile. Somkhu Khulekani
NGICIKEKILE ngalab’ oskhotheni engingazi ukuthi bebeyaphi eralini uma bengasafuni kukhulume umengameli. Lindy Raigns
WANGENA ngevoti uZuma esikhundleni, uyophuma ngalo futhi. Fana Maphalala
UMNU Thabo Mbeki naye wayengene ngevoti kodwa wakhishwa singashayile isikhathi. Okwenziwa komunye makuphindwe nakuZuma. Jabulani Mjeyi Mhlongo