NGABE WUSUKU LWAKHO LOKUZALWA NAMUHLA?
UZOCABANGA kakhulu ngezinto ezimayelana namakhono akho. Zimisele ukuwenzisisa umsebenzi wakho ngoba lokho kungakubeka kwelinye izinga. Kuhle ukufunda izinto ezintsha empilweni yakho.
ARIES (March 21-April 19)
UBUHOLI onabo abanye bayabugxeka ngenxa yezenzo zakho. Lokho kakumele kukuthuse. Uzobona sengathi lo omfisayo enhliziyweni yakho noma omthandayo, uthando lwakhe luya ngokukhula kakhulu kunakuqala.
TAURUS (April 20-May 20)
IMPILO yakho inokuphazamiseka ngezindlela eziningi ezahlukene. Okuzokwenzeka ungase ungakuqondi ngokuphelele emqondweni wakho. Ungalinge uzame ukuzikhathaza ngezinto ezingekho mqoka empilweni yakho.
GEMINI (May 21-June 21)
UFISA ukuphila impilo ehlukile, ekuqhelisa kwabathile ngenxa yezimo osudlule kuzona. Uzobona sengathi impilo izokudonsisa kanzima ngakho uyazama ukonga isenti nesenti olitholayo bese kuvuka izindleko eziningi.
CANCER (June 21-July 22)
NAKUBA kukhona okunqobile kodwa unokukhathazeka ngokunye ongakakunqobi. Ukuhlale ujabule kuzokwenza ukuba ungabi nayo imicabango ngezinto ezikuphathe kabi esikhathini esedlule.
LEO (July 23-August 22)
AMATHUBA okunqoba nokuvuleka kwamanye amathuba uzokubona kwenzeka manje. Uma kukhona ofisa ukukudlulisa kumaqondana, kumele ube nesizotha nendlela ekhethekile. Yisikhathi lesi esizokugcina umatasa kakhulu.
VIRGO (Augt 23-Sept 22)
YISIKHATHI sokuqedela okudala okuqalile. Qaphela izinhlelo zakho ezimqoka ukuthi kawunqikazi kuzona. Izinto ezingacacile kahle kuzodingeka uzixwaye. Kunezinto okumele ufunde ukuzilinda, ungalinge uxhamazele.
LIBRA (Sept 23-Oct 22)
SEBENZISA imali ngendlela enobuhlakani. Qhela ebantwini obonayo ukuthi kabayithokozeli impumelelo yakho. Funda ukwenza komunye lokhu nawe ofisa ukube kwenzeke kuwena.
SCORPIO (Oct 23-Nov 21)
UNEZINSELELO ezimayelana nezezimali ezikukhathazayo. Imicabango engemihle izokuhlupha kakhulu. Uzoba nomdlandla wokwenza izinguquko empilweni yakho jikelele. Qaphela ukuthi kawugcini usuyisitha kuwena qobo.
SAGITTARIUS (Nov 22-Dec 21)
NOMA uzizwa ukuthi umoya wakho unokukhathazeka kodwa kuyakuqinisa ukubona kukhona ababambisene nawe. Izikweletu kumele uzigweme ngempela manje. Yiba nokuzethemba okukhulu uma ufuna ukufeza okuthile.
CAPRICORN (Dec 22-Jan 19)
UKHUMBULE ukuthi amandla onawo atshalwe ngaphakathi kuwena, ahluke kakhulu futhi angakugilela izimanga ezinkulu. Umqondo wakho kumele ufunde ukucabanga ngokusabalala kunoma yini.
AQUARIUS (Jan 20-Feb 18)
UNGUMUNTU onesibindi ezintweni abanye abazisabayo. Ubuye wenze izinto onokuzisola ngazo. Ukucabanga izinto ezinhle kungakudobela izinhlanhla. Inhloso yakho kumele igqame kakhulu nakuwena.
PISCES (Feb 19-March 20)
EZOTHANDO zibukeka zizohamba ngendlela oyifisayo. Ukulungele ukwenza izinto ezizokwenza ukuba uthuthuke uye phambili nempilo ngakho ungalinge ube nokuzibambezela.