UKUVUSELELA UKONDLEKA NOKWELAPH
EZINHLELWENI zomlimi zasebusika kubalulekile ukubeka phambili uhlelo lokuvuselela ukondleka komhlabathi njengoba ikwindla kade iphume nezakhamzimba eziningi emhlabathini.
Kungenzeka umlimi ubexube izitshalo nezimila zemvelo ebezinosizo ezitshalweni, sizokhumbula ukuthi kunomehluko phakathi kwezitshalo ezihlelelwe nezemvelo.
Ezihlelelwe zisuke zitshalelwe ukuzuza okuthile njengokudla kwasekhaya, ukuthengisela omakhelwane nezimakethe zasesilungwini noma zaphesheya kwezilwandle.
Yingakho nje kubalulekile ukuba umlimi ahlole isimo somhlabathi ukuze azi ukuthi yini edinga ukwengezwa emhlabathini ukuze afeze izidingo nezinhloso zakhe. Izinto ezihlolwayo kungaba yisigubu somhlabathi okungaba wukuthi umhlabathi ucinene noma uyihlabathi.
Uma ucinene kungaba nesidingo sokuqalisa ukufaka izilokazane nezinambuzane eziwusizo emhlabathini. Lezi kungaba iminyundu, imibungu njalo njalo.
Umhlabathi ozenza sahlabathi uvama ukuba yisigqala, lokhu kungalungiseka ngokwengeza amabibi, izibola namakhomposti emhlabathini kungakatshalwa. Umhlabathi obukeka ulungele ukutshala sengathi muhle kodwa ube ungo- ndlekile, udinga izikhuthaza kodwa ngoba sisekela ukukhuthaza okungenabuthi besilungu, umlimi angazithola izikhuthaza zechabuthi ezitolo ezizidayisayo noma azenzele yena, aze asebenzise namatiye ezikhuthaza okuzenzela ekhaya.
Amatiye ezikhuthaza angenziwa ngamakhomposti, ngomchamo womnyundu, ngomquba wezinkomo nezimila zemvelo. Ngokudlule sasiphawulile ukuthi la matiye enziwa kanjani nanokuthi ayindlela elula nengadli ephaketheni lomlimi ngoba zonke izinsizakusebenza zawo zitholakala mahhala.
Kusobala ukuthi uma ngabe umlimi engenazo lezi zidingo zamatiye ezikhu-