NZI NJENGABALIMI
lapho evela ngqo emvuleni noma elandwe emfuleni emuva kwezimvula ezinkulu. La manzi akhongozelwe emphongolweni, kumqoka ukuba kuqinisekiswe ukuthi kawangenwa yizilwane ezibeka amaqanda emanzini, njengomiyane ngoba lokho kungenza amanzi angabe esaba msulwa.
Into engase ingahambisi kahle lokhu kunqoloba wukuthi nxa amanzi ebe maningi kunemiphongolo yakho bese amaningi emosheka. Enye indlela yokunqoloba amanzi wukufaka amapayipi abungeza wonke amanzi emvula lapho angase aqoqeke khona bese engena emapayipini agujelwe ngaphansi komhlabathi, awahambisa aze ayongena enqolobaneni.
Sebenzisa amanzi ngobunono nokuqikelela. Kulula ukuzibona sewunisela izitshalo sonke isikhathi ngoba nje wazi ukuthi unamanzi ayinala.
Kwesinye isikhathi uzobona sengathi umhlabathi womile uma ubheka nje ngaphezulu, kanti amanzi noma umswakama mningi ubambelele ngaphansi koqweqwe lomhlabathi olungaphezulu.
Lokhu kubambeka komswakama kuvame ukwenzeka emhlabathini osunesigubu esihle, kodwa nalowo ocinene kakhulu uyawabamba amanzi noma umswakama ngaphansi.
Umehluko kuba wukuthi lo mhlabathi ocinene kakhulu kawuniki izimpande ithuba elanele lokuthubeleza kahle emhlabathini zikwazi ukugxila phansi zize zifike emanzini asekujuleni.
Uma ngabe umlimi edinga ukuchushiswa ngezinhlelo ezinemininingwane nemihlahlandlela angathintana nehhovisi lethu ngendlela ejwayelekile kwethi: 082 789 4281 noma abhale ekhelini elithi www.sicelokunene.co.za noma ekhasini elithi: "Contact us."