Akalubhadanga uMaraza weGwan
UQALE ngempumelelo umkhankaso wokuqwashiswa kwabafundi ngezifo eziphathelene nocansi eCoastal KZN TVET College eMlazi eningizimu yeTheku ngoLwesihlanu. Bekukhishwa bhusende amakhondomu kwexwayiswa abafundi ngokuziphatha njengoba abaningi basuke bebona inkululeko uma sebesezikhungweni zemfundo ephakeme. Lo mkhankaso uhambela izikhungo ezahlukahlukene zamazinga aphezulu emfundo ngokuxhaswa inkampani ekhiqiza iphepha iMondi. Nokho ugcine engafikanga uMaraza othandwa kakhulu ngomculo wakhe ikakhulukazi ngengoma ethi Gwan kodwa uSparks Bantwana uyibambile. Abanikazi bomcimbi bathi ngokungafiki kwakhe uMaraza uthe ugulelwa ingane nakuba kade esenzelwe konke okumayelana nohambo esuka eGoli. Bekukhona namanye amaciko ukuzonandisa kanti kuke kwaqubuka inkulumo mpikiswano engasukumi phansi ngokumitha kwabafundi. Abe-AIDSWIZE ehlela le mizungezo bathi kabakanqumi ukuthi yisiphi isikhungo esizolandela, futhi nini.