IZINKANYEZI SEBASTIAN JILI

NGABE WUSUKU LWAKHO LOKUZALWA NAMUHLA?

UCABANGA amaqhinga ahlukile okwenza imali manje. Izikweletu ongena kuzona ngendlela engalindelekile kazikuniki ukuphumula. Ngenxa yokuzimisela onakho uzobona kuba lula ukuthuthuka nabantu abamqoka.

ARIES (March 21-April 19)

ZININGI izinkulumo ozizwayo manje futhi ozicubungulayo. Unomthwalo wokuthatha isinqumo esithinta indlela yokuphila nekusasa. Ungalenzi iphutha lokuzibophezela ebudlelwaneni besikhashana.

TAURUS (April 20-May 20)

UNOMTHWALO wokunakekela kakhulu umzimba wakho. Uzofingqa imikhono uzimisele ukwenza noma yini ezokugcina uthuthukile. Ukubekezela kuzokhuphula amathemba ngekusasa lakho.

GEMINI (May 21-June 21)

KONKE okwenzayo manje kumele ukwenze ukuqedele. Ungavumeli imizwa ukuba ikuholele kongahambisani nawe. Imibono yabanye kuzodingeka uyicubungule ngaphambi kokunquma ngayo.

CANCER (June 21-July 22)

UZOZINAKA kakhulu izindaba ezithinta ezamabhizinisi akho nokonga ngalesi sikhathi. Ingqondo yakho ubona sengathi isebenza ngamandla ngenhloso yokubuka izinguquko ukuthi ziquketheni.

LEO (July 23-August 22)

EZINYE izimo kumele uzithathe njengezivivinyo ezedlulayo ukuze uzokwazi ukuqhubekela phambili nezinhlelo zakho. Imicabango ehlelekile izokuvumela ekuthatheni izinqumo ezifanele.

VIRGO (Augt 23-Sept 22)

UMA ungenawo umgomo osebenzela phezu kwawo, ungagcina usufeza okumbalwa kokuningi. Kuningi okungekho mqoka obona sengathi kuthikameza izinhlelo zakho.

LIBRA (Sept 23-Oct 22)

UMQONDO wakho ugxile ezindabeni zakho ezimayelana nezothando. Uma uqedela kahle okudala, uzokwazi ukuqala okusha. Ziningi kakhulu izinhlelo zakho okumele uzifeze ngokuphuthuma.

SCORPIO (Oct 23-Nov 21)

Kunamaphutha okumele uwalungise emsebenzini wakho. Nguwena uqobo ongaqhamuka namasu okuthuthukisa impilo yakho. Unemizabalazo eminingi ethinta ikusasa lakho.

SAGITTARIUS (Nov 22-Dec 21)

UNGAKWENZI kwabanye ongafisi kwenziwe kuwena. Kuzokusiza ukugxila embhidlangweni wokuzakha ube ulungisa amaphutha. Ikhono lakho lincike ekusebenzeni nabantu.

CAPRICORN (Dec 22-Jan 19)

UGQILAZEKILE ngenxa yokwanda kwezindleko. Ungumuntu ohlale ekholelwa emaqhingeni amadala. Kakumele ube nezizathu zokubalisa empilweni yakho ngoba ungagcina usuhlehlela emuva kakhulu ngempilo yakho.

AQUARIUS (Jan 20-Feb 18)

UNGAVUMI izinselelo zikuthwalise kanzima empilweni yakho. Ezinye izimo zempilo zibuye zikuthwalise kanzima. Kudingeka uhlale ukubeka engqondweni yakho ukuthi inamuhla ngeke neze lifane nekusasa.

PISCES (Feb 19-March 20)

ABANYE bayakwethemba kakhulu. Uzama ngawo wonke amandla ukuveza ubuhlakani kwabanye oxhumene nabo. Uma uzibona unhlanhlatha, nguwena okumele uzibuyisele emgqeni ofanele. Imibono yakho kumele uyethembe.