U-DA GAMA UBABAZA IKHONO ALIBONE KWAZULU-NATAL

AKAWUVALI umlomo u-Owen da Gama ngekhono alibone KwaZulu Natal behlwaya ikhono ohlelweni olubizwa ngeNedbank Ke Yona obelwenziwa ngoMgqibelo ntambama eKing Zwelithini Stadium, eMlazi.

UDa Gama ungomunye wabaqeqeshi abahlwaya ikhono ezweni lonke besebenzisa lolu hlelo lweKe Yona.

Uhambisana no-Ephraim “Shakes” Mashaba, Khabo Zondo noMike “Sporo” Mangena.

UDa Gama uthi kulesi sifundazwe bavamise ukuthola ukhilimu wabadlali.

“Kwezinye izifundazwe engingabala kuzona iGauteng uthola kakhu- lu abadlali basesiswini kanti lapha KwaZulu Natal uthola kuzona zonke izindawo.

Kulesi sifundazwe siba nesibalo esiningi sabadlali abazohlolwa bese sithola ulozolo lwabadlali,” kusho uDa Gama.

Uncome abakwaNedbank ngalolu hlelo wathi luyasiza ukuvukuza abadlali abancishekile ithuba.