Okusha ngendawo yenjabulo eMgungundlovu
UBUKEKA uthembisa umcimbi omusha wendawo yokujabula okuyiyona yodwa okungeyonontandakubukwa egqamile njengamanje eMgungundlovu, iSprytz Premium Lounge obuqala ngoLwesihlanu.
Lo mcimbi ozogqamisa umculo wakudala wenganyelwe nguDJ Mlisa kule ndawo kasomabhizinisi uMthokozisi Duze.
NgoLwesihlanu lwayizolo bekuboshelwe esezimnkantshubomvu kwezenjabulo okungumsakazi weMetro FM, uWilson B Nkosi ongena njalo ngeSonto phakathi kuka-09h00-12h00 kulo msakazo nengqwele yaseMgungundlovu, uBrian Zuma naye uMlisa okwaziwayo ukuthi akadlali kancane uma kukhulunywa ngezakudala.
UDJ Mlisa uthi lo mcimbi bazowenza njalo ngoLwesihlanu lwesithathu enyangeni kule ndawo okubuye kube namahlaya enziwa nguJustice Kubheka kuyona.
Ngokujwayelekile imicimbi ekhethekile iba sesontweni lokuqala noma lokugcina enyangeni kodwa uthi banqume ukwenza okwehlukile ngoba iningi labazi izinto eMgungundlovu likhululeka kahle ezimalini maphakathi nenyanga. Izinhlelo eziningi ezenzeka eSprytz Premium Lounge ziba mahhala ngoba kusuke kunxenxwa ukuba izethameli zithenge izidlo ezidayisa ngaphakathi.