Ugcotshelwe ubufundisi umsakazi
ISIZOTHA, ubumnandi, umculo neZwi leNkosi bekubuzwa enkonzweni ebisehholo lomphakathi iZiphatheleni, eMbumbulu, emini ngoMgqibelo odlule.
Kule nkonzo uMnu Thulasizwe Manqele ongumsakazi wesiteshi sabazalwane, iMbokodo FM, ubegcotshelwa ukuba ngumfundisi webandla iLife Abundance Bible Church International.
Inkonzo ibisingethwe nguMbhishobhi Sibusiso Zikhali ozinze eRichards Bay, ogwini olusenyakatho yeKwaZulu-Natal.
Kuthe luqeda nje ukungena udwendwe lwabefundisi abebezimazise le nkonzo, uMbhishobhi Zikhali waqala ngaso ngqo isigaba senkonzo okuhlangenwe ngaso, okuwukugcotshwa kukaMnu Manqele.
UMbhishobhi Zikhali wethule intshumayelo esezingeni eliphezulu, umongo wayo obekuwukweluleka uMnu Manqele.
Okokuqala akuphawulile wukuthi nakuba le ncwadi yaziwa ngokuthi yiZenzo Zabaphostoli, empeleni ilandisa ngezenzo zikaMoya oNgcwele ngoba akekho umuntu ongenza yonke le misebenzi nezimangaliso okulotshwe ngazo kuyona.
Uthinte iphuzu elimqoka kakhulu kulezi zinsuku, labefundisi abangamawuwa. Uthe okuqaphelekayo ngabo yilokhu:
ngokuphenduka, ukuxolelwa izono negazi likaJesu;
shumayela aqede engalivulanga iZwi leNkosi eBhayibhelini;
nto eziphathekayo ngoba ejahe ukuba nezinto eziphathekayo; ezisebandleni aliholayo;
kepha kube kungezwakali ukuthi bathunywe ngubani;
Lapho esenza amalungiselelo okugcoba, uchaze kafushane ngamafutha asetshenziswa uma kugcotshwa izinceku. Uthe lawa awaphethe aqukethe izithako eziyisihlanu, phakathi kwazo okukhona i- cinammon, i- frankincense ne- olive oil. Uphawulile futhi nangesidingo sokuba ezinkonzweni babe khona abaphrofethi kodwa hhayi abangasho lutho. Unikeze uMfu Manqele izeluleko eziqinile ngomsebenzi webandla, egcizelela ukuthi uyisisebenzi hhayi inkosi noma ubasi wabazalwane.
“Ubakhulekele njalo abazalwane” kusho uMbhishobhi Zikhali.
Obekhulumela uDkt Sibongiseni Dhlomo - ongungqongqoshe wezempilo KwaZulu-Natal - ongaphumelelanga kule nkonzo, uthe njengoba uMfu Manqele esemncane ngeminyaka yobudala, aze asize akuqaphele ukwangiwa ngabazalwane ngoba okunye kwakho kuxoxa indaba.