ISundowns izicabele indlela koweCaf
Ihleli endaweni enhle kwi-log ngemuva kokunqoba ekuhambeni
IKHOMBISE ubungqwele e-Afrika iMamelodi Sundowns inenebula i-AS Vita Club yaseDemocratic Republic of Congo (DRC) ngo-3-1 kowamaqoqo weCaf Champions League izolo ngoLwesithathu ntambama ekuhambeni.
Amagoli okunqobe ngawo iDowns avalelwe ngu-Anthony Laffor, Yannick Zakri noSibusiso Vilakazi kwathi elokugqiba ihlazo leVita lashaywa ngu-Oumar Sidibe.
EzikaPitso Mosimane ololonga iDowns, zibuye zasizwa wukukhuthazwa yinqwaba yabalandeli abayizimbangi zeVita. E-DRC kayisetshenzwa eyokweseka izimbangi egameni lokuthi zimele izwe, kunalokho zicindezelwa kakhulu.
ISundowns ibidlala amaphasi amafushane asheshayo okubukeke kuyidida kakhulu iVita esenomthwalo wokuvakashela ezikaMosimane kuleli.
Kunzima ukuphuma nomphumela KUYAMKHATHAZA uFikile Mbuthuma ukugqoza kwabasubathi abamnyama baKwaZuluNatal ababamba iqhaza emijahweni yamabanga amade ikakhulukazi iComrades Marathon.
UFikile ngomunye wabasubathi abayingcosana besifundazwe abathwelwe ngeqoma kwiComrades Marathon yanonyaka ezokuba ngeSonto lomhla zizine kwezokwethwasa isukela eThekwini isongwe eMgungundlovu. Nyakenye uFikile uqophe umlando eba ngumsubathi wokuqala omnyama wesifundazwe ukungena nabokuqala abali10. Ungene unombolo 8 wahlomula ngegolide lokuqala kulo mjaho abewugijima okwe-10.
Isifiso sakhe esikhulu nonyaka wukwenza ngcono isikhathi sakhe asibeke ngowezi-2015 kukhushukwa esiwu-7:18. Ngowezi-2015 ungene unombolo 15. Uthi kungamthokozisa ukuphinda angene nabokuqala abali-10. Ukuzilungiselela iComrades ugijime iDurban City Marathon emele iqembu lesifundazwe leMarathon, wabamba iqhaza kwiSoweto Marathon nakwiZululand District Ultra Marathon.
Ekhuluma neLANGA uFikile, uthe: “Kunzima ukulungiselela iComrades kwazise idinga isikhathi esiningi. Okungiphatha omuhle emakilabhini angaphandle e-DRC njengoba kukuningi okwenzekayo okusuke kuhloswe ngakho ukudunga imiqondo yezimbangi.
IDowns iwuqale kabi umkhankaso wokuvikela le ndebe njengoba ivule imidlalo yamaqoqo ngokubambana neSaint George yase-Ethiopia kuba ngu-0-0 ngeledlule eTshwane.
ISuperSport United ihlule iCF Mounana yaseGabon ngo-5-3 ekuhambeni ngoLwesibili koweCaf Confederation Cup kwathi iPlatinum Stars yaphoxa ihlulwa yiMbabane Swallows yaseSwaziland ngo-4-2 ngoLwesibili ekuhambeni.
AmaJita (SA U/20) ahlulwe yiItaly ngo-2-0 izolo ngoLwesithathu kwiFifa World Cup U/20 eqhubeka eSouth Korea. Emdlalweni wokuqala adliwe yiJapan ngo-2-1.
UKHATHAZWA WUKUSHODA KWABESIFAZANE ABAMNYAMA KWI-COMRADES
kabuhlungu wukugqoza kwabasubathi besifazane abamnyama kulo mjaho. Uma benganda abesifazane besifundazwe singakwazi ukuziqeqesha ndawonye sibaningi okungadlisa izitha ngamapayipi. Nami ngiyaye ngithwale kanzima kwesinye isikhathi njengoba ngihlale ngiziqeqesha nabesilisa.
“Ngingakuthokozela kakhulu nonyaka ukuphinda ngingene nabokuqala abali-10. Okunye engikubhekile wukwenza kangcono isikhathi sami esiwu-7:18 wangowezi-2015.”
Ukwenza kahle kukaFikile nyakenye kumvulele ithuba lokuziqeqesha ePrime High Peformance Centre, eseMoses Mabhida, eThekwini ohlelweni oluxhaswe wuMnyango WezeMidlalo wesifundazwe oholwa nguBongi Sithole-Moloi. Umnyango wezemidlalo ubeke eceleni u-R35 000 otholwa ngumsubathi wokuqala wesifundazwe ukushaya intambo kwabesilisa nakwabesifazane. Omunye umsubathi wesifazane wesifundazwe obhekiwe ukwenza kahle kulo mjaho ngu-Aphiwe Gaga ophekwa nguBongumusa Mthembu.
Kwabesilisa amathemba akuMthembu obe yingqwele ngowezi-2014, uMncedisi Mkhize waseMthwalume, uSimphiwe Ndlela osefomini enhle kulezi zinsuku ukukha nje phezulu.