NGABE WUSUKU LWAKHO LOKUZALWA NAMUHLA?
UMDLANDLA wakho uzokhula ngamandla ekwenzeni izinto ezimqoka. Uma uthwele imithwalo enzima, kumele uqonde ukuthi uma sekuzosa kuba mnyama kakhulu.
ARIES (March 21-April 19)
ABANYE banemibuzo ethile ngendlela owenza ngayo. Imibono yakho nomqondo wakho kuzodingeka kusebenzisane ukuze kufezeke izinto ezifanele. Hluza umqondo wakho njalo uma kukhona okumele ukukhulume.
TAURUS (April 20-May 20)
KUNEMISEBENZI okumele ugxile ngamandla kuyona. Isikhathi nethuba olitholayo kumele ukusebenzise ngemfanelo ngoba umzabalazo wakho uyawazi ukuthi uwumqansa kanjani.
GEMINI (May 21-June 21)
EZINYE izinto zibuye zibe wumzabalazo omkhulu empilweni yakho. Ungazithathi mawala ezinye izinto. Izinqumo ozozithatha kumele zibe nomthelela omkhulu ezinhlelweni zekusasa lakho.
CANCER (June 21-July 22)
ZIFUNDISE ukungagxeki abathile ngokwenzeka empilweni yakho. Ukwenza izinto ngokunganaki, kungakwenza ulahlekelwe ngokukhona ngokungekho.
LEO (July 23-August 22)
UZOBONA bebaningi kakhulu abantu abadinga wena ubatakule ezinkingeni zabo. Ziningi kakhulu izinto ozicabangayo ezinye ziba nomjikelezo.
VIRGO (Augt 23-Sept 22)
UNOKULUNGABAZA uthando lwakho manje. Unganqikazi ezintweni ezibonakala zizothuthukisa ikusasa lakho. Zixolele kwamanye amaphutha owenzile bese uqala kabusha.
LIBRA (Sept 23-Oct 22)
AMATHUBA avelayo kumele uwasebenzise. Ikusasa lakho ungalihlenga ngokuthi uthathe izinyathelo eziya phambili. Akekho omunye ongakugqugquzela empilweni yakho ngaphandle kwakho.
SCORPIO (Oct 23-Nov 21)
UNGUMUNTU onegalelo elithile kunoma yini onikezwa yona. Zinike isikhathi wenze izinto ezibalulekile kakhulu ngoba manje yisikhathi esikuvumelayo empilweni yakho ukuba unqobe.
SAGITTARIUS (Nov 22-Dec 21)
EZINYE izinto zakho zidinga uzibuke ngeso elijulile. Uyaqonda ukuthi njengamanje unezitha futhi kukhona abanye abakukhonzile. Azokhuphuka aqonge amathemba akho ngempilo.
CAPRICORN (Dec 22-Jan 19)
UNGAVUMI ukudikibaliswa ngabathile empilweni yakho oyihlosile. Uyazi ukuthi akukho okwenziwa ngasese okugcina kungavelanga, ngakho-ke gwema kakhulu izinto ezizokuqhatha nabathile ezinomphumela ongemuhle.
AQUARIUS (Jan 20-Feb 18)
UNGAKUVUMELI ukuphelelwa wumfutho uma usukunqobile okudingayo. Yisikhathi sokuzifundisa ukuxazulula izinkinga zakho manje kancane kancane.
PISCES (Feb 19-March 20)
NJENGAMANJE kasisekho qobo isidingo sokuba usonge izandla empilweni yakho kodwa kumele ukhuthalele ukuphusha izinhlelo ezisemuva. Qikelela ukuthi indlela oziphethe ngayo yamukelekile kwabanye.