MABAFAKELWE IZIBUKO MANJE ABOKUFIKA
MHLELI: Siyavuma singabaseNingizimu Afrika ukuthi abafowethu bangaphandle masingabacwasi kepha bakwethu iqiniso elimsulwa lithi laba baseNigeria kukaningi betholakala bephula umthetho.
Kusukela ekutholakaleni kokuthi bangene ngokungemthetho, okusho ukuthi bagwazile emngceleni, sebengaphakathi badayisa izidakamizwa, ukuthunjwa kwabesifazane badayisiswe imizimba, abathi bangabefundisi benze ubugebengu phansi kwengubo yobufundisi, abanye bangena neziqu zobudokotela zomkokotelo.
I- whoonga lena iqiniso niyalazi ukuthi ngeminyaka yowe-1980 kungakavulwa imingcele ngale ndlela osekuyiyona, ibingekho le nto.
Bheka emadolobheni sekunjani ukugcwala izingane zethu esezizinikele ezidakamizweni.
Ningizwe kahle, kangisho bonke abantu bokufika kodwa laba baseNigeria uhulumeni wethu awuke ubafakele izibuko.