IZINKANYEZI SEBASTIAN JILI
COPHELELA usebenzise wonke amathuba aqhamukayo. Kumele uqikelele ukuthi nabanye ubanika ithuba lokuveza uvo lwabo. Ulokhu usihlehlisa isinqumo okumele usithathe ngomunye osondelene naye.
ARIES (March 21-April 19)
KUNEZIMO ezithinta ikusasa obonayo ukuthi ngeke zihambe njengokufisa kwakho. Ukuzethemba kwakho kuzoba ngconywana ngenxa yosizo lwakho kothile. Ungasizwa wukuhluza umqondo uqhamuke namasu awusizo.
TAURUS (April 20-May 20)
AMANDLA akho kawangabazeki kunoma yini ofisa ukuyifeza. Uyakudinga ukuboniswa ukuze ubambelele esinqumeni esifanele. Eminye imisebenzi yakho izotuseka kakhulu. Zikhona izinto ezingeke ziqonde njengokufisa kwakho.
GEMINI (May 21-June 21)
UNGUMUNTU oqaphelayo futhi ohlaziya kakhulu indlela abanye abaziphethe ngayo. Kubaluleke kakhulu ukuhlonipha izinqumo zakho kunokuba uhloniphe ezabanye. Ulwazi lumqoka kakhulu kunoma yisiphi isinqumo ozosithatha.
CANCER (June 21-July 22)
UYAZWELA kakhulu ngezimo ezibuhlungu obhekana nazo. Kukhona uvalo olungavumi ukudlula mayelana nezinhlelo zekusasa lakho. Ikusasa lakho kumele ulibuke ngamehlo agcwele ithemba nentshisekelo.
LEO (July 23-August 22)
UKUKHULUMA kwakho nabathile kumele ukugade ungadaluli izimfihlo. Kukhona izinselelo okumele uzinqobe eziphathelene nomsebenzi wakho.Ungacabangi kakhulu ngezinto ofuna ukuzenza kodwa kuhle ukuvele uzenze.
VIRGO (Augt 23-Sept 22)
KUKHONA uhambo olungalindelekile ongase uluthathe. Kuzodingeka usakhe siqine ngempela isisekelo sempilo yakho. Okuzwayo ungakuthathi kunjengoba kunjalo ungakasitholi kahle isiqiniseko.
LIBRA (Sept 23-Oct 22)
INDLELA ohlaziya ngayo izimo ihlale ihambisana nobulungiswa. Qaphela ukuthi zonke izinto zakho uyaziphothula ngaphambi kokugxumela kokunye. Konke okukhulumayo kumele ukucophelele.
SCORPIO (Oct 23-Nov 21)
ISO lakho lizobuka emuva lapho uqhamuka khona. Ungavuseleleka kakhulu kwamanye amandla akho abesebonakala encipha. Ingqondo yakho izodidiyela imibono eminingi kakhulu ethinta ngisho ikusasa lakho.
SAGITTARIUS (Nov 22-Dec 21)
USUYAZAZI izinto eziyingozi empilweni yakho ezingakulimaza. Kukhona abanye abangeke bavumelane kahle nemibono yakho kodwa lokho kungakulahlisi amathemba nokuzethemba kwakho.
CAPRICORN (Dec 22-Jan 19)
IZINSELELO ezibhekene nothando lwakho kubukeka zisekude ukudlula ngokugcwele. Konke okwenzayo kuncike ekulungiseleni ikusasa lakho.Kumele ube nendlela ehloniphekile yokuxhumana nabantu osondelene nabo.
AQUARIUS (Jan 20-Feb 18)
ZISOLE wena kunokuba usole abanye ngokwenzeka kuwena. Maningi amehlo athe njo kuwena kulokhu okumele ukufeze. Ungalinge uvume ukubanjezelwa ngabantu abangazazi ukuthi babhekephi.
PISCES (Feb 19-March 20)
UNETHEMBA ngezinhlelo zekusasa ukuthi zizohamba kahle kakhulu. Ziningi izinto ezinhle ongazifunda kwabanye. Inkombandlela yempilo yakho izogqanyiswa wukuthi wena ucabangani ngekusasa lakho.