KUQHATHWE AZOGADULISANA EMQHUDELWANENI KA-DERRIK SPENCER
ASEQHATHIWE amakilabhu azogadulisana kwiDerrick Spencer Football Tournament ezokuba ngoMgqibelo kusukela ngo-8 ekuseni eShowe High School.
Ikilabhu ezokudla ubhedu kulo mqhudelwano wosuku olulodwa, izogoduka no-R50 000, inkomishi, ijezi nezindondo zegolide kuthi ehlulwe kowamanqamu ithole u-R25 000, ijezi nezindondo zesiliva.USifiso Ndlovu ongomunye wabagqugquzeli balo mqhudelwano, uthi konke sekumi ngomumo ngale midlalo evamise ukuhanjelwa yinqwaba yabadlali abebeyibambe noDerrick Spencer kwiPremier Soccer League (PSL). NangoMgqibelo kubhekeke ukuthi laba badlali babe yingxenye yalo mqhudelwano. Ngemuva kwemidlalo, kuzokuba nomcimbi wobumnandi ebusuku okuzonandisa kuwona abaculi noDJ abehlukene. UNdlovu uthi zizokube ziqine kakhulu ezokuphepha njengoba kuzoqapha inkampani yonogada ezimele nabakwaSouth African Police Services (SAPS).
Esewonke amakilabhu azokhiphana inkani kulo mqhudelwano aqhathwe kanje:
EGround 1: Round 1DVD vs Zone 14, Sakhiwo vs Real All Stars.
EGround 2: Ulundi Computers vs Ocean Gunners, Showe United vs Weekend Special.
EGround 3: Golden Chiefs vs Umlalazi United, Enyimba vs Mohousa FC.
EGround 4: Will Bar Stars vs Nongoma Citizens, Nombangi FC vs Indla Msundu.