INDUNA IBOSHELWE UKUDLWENGULA INDODAKAZI
INGENE kwelikhulu ihlazo induna yaseGcoba KwesaMthethwa, eMpangeni, enyakatho-mpumalanga yeKwaZulu-Natal ikhalelwa ngamasongo kaSigonyela ngezinsolo zokudlwengula iphindelela indodakazi yayo eneminyaka eyisi-8.
Kuhlwe emini yaswela umgodi induna - esingeke sayigagula ukuvikela ngane - ngesikhathi ishaqwa ngabakwasidlodlo. ILANGA lithole ngomthombo walo ongashayi eceleni ukuthi indaba ivele ngeledlule ngesikhathi inkosikazi yenduna ivusa ingane ukuba ilungiselele ukuya esikoleni.
Kuthiwa ingane itshele unina ukuthi angayibambi kabuhlungu umzimba ngoba ubuhlungu. Unina uyibuzile ukuthi kwenzenjani yangalikhuluma iqiniso waze wayiphuthumisa emtholampilo.
Abahlengikazi bayihlolile kwatholakala ukuthi indlwenguliwe kwabe sekuvela iqiniso.
“Isiphoxile induna yethu ebesiyihlonipha ukuthi isingadlwengula ingane yayo! Ngihlale ngizwa ngezigameko zokudlwengulwa kwezingane kodwa bengingazi- tsheli ukuthi indoda efana no‚ ... ingenza into efana nale,” kusho umthombo.
Uthi kunezinsolo eziqinile zokuthi induna ibingaqali ukugila lo mhlola endodakazini yayo njengoba odokotela abayihlolile be- thole ukuthi isiyonakele kakhulu.
Okhulumela amaphoyisa KwaZulu-Natal, uCol Thembeka Mbele, usiqinisekisile lesi sigameko washo ukuthi umsolwa ukhalelwe ngamasongo kaSigonyela uvelile enkatolo waphuma ngebheyili.
Kuthiwa ingane itshele unina ukuthi angayibambi kabuhlungu umzimba ngoba ubuhlungu. Unina uyibuzile ukuthi kwenzenjani yangalikhuluma iqiniso waze wayiphuthu...