Uphinde wenza ezibukwayo uCaster
Unqobe imijaho emithathu kweyisithupha egijinyiwe kwi-IAAF
UQHUBEKILE nokubhebhezelisa ifulegi leNingizimu Afrika uCaster Semenya ngesikhathi ephinda edla umhlanganiso kwiInternational Association of Athletics Federation (IAAF) Diamond League ngempelasonto e-Oslo, eNorway.
UCaster usenqobe imijaho emithathu kweyisithupha esigijinyiwe. Ngempelasonto uqophe isikhathi esingu-1:57:59 ephinda futhi ethela izimbangi zakhe ngezintuli.
Ukuzenzela kwalo msubathi kwenza abe makhulu amathemba okuthi uzozichanasela kwi-IAAF World Athletics Championships ezokuba ngoNcwaba (August) eLondon. Indawo yesibili ithathwe nguFrancine Niyonsaba waseBurundi osekufanele akwamukele ukuthi ngeke amshiye uCaster njengoba emgabisele ngezithende nanyakenye kuma-Olympic Game abeseBrazil.
Omunye umsubathi waseNingizimu Afrika owenza kahle kule midlalo nguRynardt van Rensburg naye obe yingqwele ye-800m kwabesilisa ngesikhathi esingu-1:48:98.
USlindile Gubese wePhantane noBulelwa Simae weHollywoodbets babe yizingqwele zeNtenga Foundation Charity Run ngoLwesihlanu lweholidi lweNtsha eThekwini. Ingqwele yanyakenye kwabesilisa uSphamandla Nyembe we-Ethekwini Athletics Club ulale isithathu.
USimphiwe Zulu noHappiness Mkhize badle umhlanganiso kwi5km.
Isiyonke imiphumela yalo mjaho ihambe kanje, kwabesilisa: 1. Silindile Gubese 27:04, 2. Bonginkosi Zwane 27:05, 3. Sphamandla Nyembe 27:32, 4. Philani Buthelezi 28:19, 5. Mziwenkosi Mjaja 28:31, 6.Thobile Mbolekwa 29:42, 7.Bernard Phalatsane 29:46, 8.Richard Nene 30:08, 9.Ntokozo Zukuza 31:03, 10. Phumlani Xolo 31:21.
Kwabesifazane: 1.Bulelwa Simae 33:59, 2.Nwabisa Mjoli 34:00, 3.Jadi Clark 36:46, 4.Nomthandazo Mlotshwa 38:14, 5.Zoe Papadakis 38:21, 6.Sthabile Majozi 39:00, 7. Grace De Oliveira 41:28, 8.Bongeka Nzimande 42:13, 9.Sunette Schoonraad 42:39, 10.Nomfundiso Ngubelanga 42:59.
Kwi-5km kwabesilisa: 1. Simphiwe Zulu 14:07, 2.Sipho Ngxongo 15:19, 3.Phakamani Ngcobo 16:44, 4.Nelson Luthuli 17:48, 5.Sean Wait 18:12, 6.Mongezi Ngcobo 18:13, 7.Toni Van Tonder 18:42, 8.Isaac Sithole 20:15, 9. Dumile Nkomo 20:51, 10. Kuhlekonke Ngwenya 21:15.
Kwabesifazane: 1.Happiness Mkhize 16:48, 2.Puseletso Dladla 17:44, 3.Nokuthula Ntshangase 18:13, 4.Nomonde Jona 23:19, 5. Mkhululi Kunene 23:44, 6. Ntobeko Ngubane 25:02, 7.Glynis Mcmullen 25:12, 8.Shona Basson 25:22, 9.Ticara Louw 25:26, 10. Kirsten Venter 26:09.
UJobo Khatone noJanet Dlamini babe yizingqwele zeQaphe Eqolo Save the Rhino 10km izolo ngeSonto eHluhluweImfolozi Park.
Isiyonke imiphumela yalo mjaho ihambe kanje, kwabesilisa: 1.Jobo Khatone 28:40, 2.Silindile Gubese 29:13, 3.Sphamandla Nyembe 29:36.
Kwabesifazane: 1.Janet Dlamini 34:28, 2.Bulelwa Simae 37:30, 3. Nomcebo Mthethwa 38:51.
Kwi-5km kwabesilisa: 1.Sipho Ngxongo 15:19. Kwabesifazane: 1. Zanele Madonsela 21:23.
IDanyana Amahle Benefits Scheme 12km Marathon ebihlelwe ngosuku lwentsha inqotshwe nguNcane Sikhakhane ngesikhathi esingu-37:21.
Lo mjaho uqale eNdanyana waya eMagoso wadlula eShayakhe wanqamula eMaifal (ediphini) wabe usujika eLandskraal usuphikelele eNdanyana. Okuphawulekile ngawo ukuthi bebengekho abesifazane. UGodfrey Mkhize ongomunye wabadidiyeli uthi umjaho wabesifazane uzokuba ngosuku lwabo mhla ziyisi-9 kuNcwaba (August).
Isiyonke imiphumela yalo mjaho ihambe kanje: 1. Ncane Sikhakhane 37:21, 2. Lindo Sabela 38:56, 3. Zungu Mbatha 39:24, 4. Sandile Ndlovu 41:37, 5.Sakhile Mchunu 43:58, 6.Simo Sibiya 44:16, 7.Absa Duze 47:44, 8.Mavusana Skhakhane 48:45, 9.Thinini Skhakhane 53:03, 10. Khetho Skhakhane 54:21.