KWESULE UMQEQESHI WE-BLACK LEOPARDS
USULE isigubhukane umqeqeshi weBlack Leopards uJean Luscuito ongowokudabuka eBelgium izolo ngeSonto nakuba ebesasalelwe unyaka kwinkontileka. Lokhu kuqinise umbiko waleli phephandaba wangoLwesine wokuthi lo mqeqeshi ushelwa yiFree State Stars okuthiwa ingase imethule namuhla ngoMsombuluko uma konke kuhambe kahle.
Lo mqeqeshi uhluleke wancama ukufaka iLeopards kwi-Absa Premiership ngesikhathi edlala ngokulingana neBaroka kuba ngu-1-1 ngoMgqibelo eThohoyandou Stadium.
Angena engenile amazwi enduduzo ngemuva kokushona kuka-Edzai Kasinauyo oke wadlala kwiMoroka Swallows oshone ngoLwesihlanu ekuseni kwesinye sezibhedlela eZimbabwe.